(ພາບ: Thành Long)
ທ່ານ ໂຕເລີມ, ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ, ປະທານປະເທດ ຫວຽດນາມ ແລະ ພັນລະຍາ ພ້ອມດ້ວຍຄະນະຜູ້ແທນຂັ້ນສູງ ຫວຽດນາມ ຈະໄປຢ້ຽມຢາມ ຍີ່ປຸ່ນ ຢ່າງເປັນທາງການ ແຕ່ວັນທີ 08-11 ພະຈິກ. ນີ້ແມ່ນການຢ້ຽມຢາມ ຍີ່ປຸ່ນ ຢ່າງເປັນທາງການຄັ້ງທຳອິດຂອງ ທ່ານເລຂາທິການໃຫຍ່, ປະທານປະເທດ ໂຕເລີມ ໃນຖານະຕຳແໜ່ງໃໝ່, ພ້ອມກັນນັ້ນ ກໍ່ແມ່ນການໄປຢ້ຽມຢາມ ຍີ່ປຸ່ນ ເປັນຄັ້ງທຳອິດຂອງ ເລຂາທິການໃຫຍ່ພັກກອມມູນິດ ຫວຽດນາມ ພາຍຫຼັງ 11 ປີ.
ເມື່ອຕອບສຳພາດຕໍ່ສື່ມວນຊົນເນື່ອງໃນໂອກາດນີ້, ທ່ານ ຫງວຽນມິງວູ, ຮອງລັດຖະມົນຕີກະຊວງການຕ່າງປະເທດ ຫວຽດນາມ ໄດ້ໃຫ້ຮູ້ວ່າ ການຢ້ຽມຢາມ ມີສາມຄວາມໝາຍຍຸດທະສາດທີ່ໂດດເດັ່ນ.
ທີໜຶ່ງແມ່ນການກຳນົດທິດທາງຍຸດທະສາດໂດຍລວມ ໃຫ້ແກ່ການພັດທະນາການພົວພັນສອງຝ່າຍໃນໄລຍະໃໝ່. ທີສອງ, ຫັນຈາກການຮ່ວມມືດ້ານເສດຖະກິດ, ການຄ້າ, ການລົງທຶນທີ່ເປັນປົກກະຕິ ໄປສູ່ການເພີ່ມທະວີການເຊື່ອມຕໍ່ລະຫວ່າງສອງພື້ນຖານເສດຖະກິດ, ຖືເປັນສຳຄັນກວ່າເຖິງການຮ່ວມມື, ພ້ອມກັນສ້າງສັນ, ຍົກສູງຄວາມສາມາດເປັນເຈົ້າຕົນເອງ, ເຂັ້ມແຂງດ້ວຍຕົນເອງຂອງພື້ນຖານເສດຖະກິດແຕ່ລະປະເທດ. ທີສາມ, ສ້າງກຳລັງໜູນໃຫ້ແກ່ບັນດາບາດກ້າວບຸກທະລຸດ້ານວິທະຍາສາດ - ເຕັກໂນໂລຊີ, ນະວັດຕະກໍາ ແລະ ການຫັນປ່ຽນຮູບແບບການພັດທະນາ.
(ພາບ: Jiji Press)
ກ່ອນການຢ້ຽມຢາມ, ທ່ານລັດຖະມົນຕີ Kihara Minoru, ຫົວໜ້າຫ້ອງພາຍໃນລັດຖະບານ ຍີ່ປຸ່ນ, ໃຫ້ຮູ້ວ່າ:
“ດ້ວຍຖານະທີ່ເປັນຄູ່ຮ່ວມມືຍຸດທະສາດຢ່າງຮອບດ້ານ, ຍີ່ປຸ່ນ ແລະ ຫວຽດນາມ ບໍ່ພຽງແຕ່ເພີ່ມທະວີການພົວພັນສອງຝ່າຍໃນຫຼາຍຂົງເຂດເຂດ, ນັບແຕ່ຄວາມໝັ້ນຄົງ, ເສດຖະກິດ ຕະຫຼອດຮອດການພົບປະແລກປ່ຽນປະຊາຊົນເທົ່ານັ້ນ, ຫາກຍັງຍູ້ແຮງການຮ່ວມມືຢູ່ບັນດາເວທີປາໄສສາກົນອີກດ້ວຍ. ພວກຂ້າພະເຈົ້າຫວັງວ່າ ການຢ້ຽມຢາມ ຍີ່ປຸ່ນ ຄັ້ງນີ້ຈະເຮັດໃຫ້ການພົວພັນມິດຕະພາບ ແລະ ການຮ່ວມມືລະຫວ່າງສອງປະເທດນັບມື້ຍິ່ງເລິກເຊິ່ງຍິ່ງຂຶ້ນຕື່ມ”.
ໃນຂະນະນັ້ນ, ບັນດາວິສາຫະກິດ ຍີ່ປຸ່ນ ເຊື່ອໝັ້ນວ່າ ການຢ້ຽມຢາມຢ່າງເປັນທາງການຂອງ ທ່ານເລຂາທິການໃຫຍ່, ປະທານປະເທດ ໂຕເລີມ ແລະ ພັນລະຍາ ຈະສ້າງເງື່ອນໄຂໃຫ້ແກ່ການລົງນາມ ໃນສັນຍາຫຼາຍສະບັບທີ່ມີມູນຄ່ານັບຕື້ USD, ລະຫວ່າງສອງປະເທດເສີມສ້າງໃຫ້ເຊິ່ງກັນແລະກັນ ເພື່ອພ້ອມກັນພັດທະນາຢ່າງແຮງໃນຫຼາຍຂົງເຂດໃນໄລຍະຈະມາເຖິງ.
