ວັນ​ທີ 5 ພະ​ຈິກ, ບັນ​ດາ​ອົງ​ການ ສ​ປ​ຊ ໄດ້​ຮຽກ​ຮ້ອງບ້ວງ​ເງິນ​ອຸ​ປະ​ຖຳ​ດ່ວນ 8,9 ລ້ານ USD ເພື່ອ​ໜູນ​ຊ່ວຍ​ຊາວ​ເອ​ທີ​ໂອ​ເປຍ ​ນັບ​ໝື່ນ​ຄົນ ທີ່ຕ້ອງ​ເດີນ​ທາງ​ໄປ​ຍັງ​ບັນ​ດາ​ປະ​ເທດ ບ້ານ​ໃກ້​ເຮືອນ​ຄຽງ​ຄື ​ແຄນ​ຢາ ເພື່ອລີ້​ໄພ​ຍ້ອນເກີດການ​ປະ​ທະ​ກັນ​ປະ​ກອບອາ​ວຸດ​. ​ຄຳ​ຮຽກ​ຮ້ອງໂດຍ​ອົງການຂ້າຫຼວງໃຫຍ່ສະຫະປະຊາຊາດເພື່ອຊາວອົບພະຍົບ (UNHCR), ກອງ​ທຶນ​ເພື່ອ​ເດັກ ສ​ປ​ຊ (UNICEF), ອົງການຈັດຕັ້ງສາກົນເພື່ອການເຄື່ອນຍ້າຍຖິ່ນຖານ (IOM) ແລະ ໂຄງ​ການ​ອາ​ຫານ​ໂລກ (WFP). ບ້ວ​ງ​ລາຍຈ່າຍ​ນີ້​ຄາ​ດ​ວ່າຈະ​ຕອບ​ສະ​ໜອງ​ບັນ​ດາ​ຄວາມ​ຕ້ອງ​ການ​ທີ່​ຈຳ​ເປັນ​ຂອງ​ປະ​ຊາ​ຊົນໄດ້ຫຼາຍ​ສຸດ 50.000 ຄົນ​ໃນ​ເວ​ລາ 3 ເດືອນ​ຈະ​ມາ​ເຖິງ. ບັນ​ດາ​ອົງ​ການ ສ​ປ​ຊ ກໍ່​ກະ​ກຽມແບບ​ວິ​ທີ​ການ​ໜູນ​ຊ່ວຍ​ໃຫ້​ປະ​ຊາ​ຊົນ​ປະ​ມານ 80.000 ຄົນ​ຖ້າ​ການ​ລີ້​ໄພ​ສືບ​ຕໍ່​ເພີ່ມ​ຂຶ້ນ.