ໜັງສືພິມDeutsche Welleຂອງເຢຍລະມັນໃຫ້ຮູ້ວ່າລັດຖະບານຫວຽດນາມໄດ້ໜູນຊ່ວຍຜ້າອັດປາກ - ດັງ ຫຼາຍພັນອັນໃຫ້ແກ່ບັນດາປະເທດເອີລົບເພື່ອປ້ອງກັນ, ສະກັດກັ້ນໂລກລະບາດ. ຕາມບົດຂຽນແລ້ວ, ລັດຖະບານຫວຽດນາມໄດ້ມອບຜ້າອັດປາກ - ດັງຂ້າເຊື້ອ 550.000 ອັນໃຫ້ແກ່ຜູ້ຕາງໜ້າສະຖານທູດຂອງ 5 ປະເທດເອີລົບປະຈຳຫວຽດນາມ, ລວມມີເຢຍລະມັນ, ຝະລັ່ງ, ອີຕາລີ, ແອັດສະປາຍແລະອັງກິດ. ແລະໃນວັນດຽວກັນ, ຊ່ອງໂທລະພາບ euronews ຂອງເອີລົບ ກໍ່ໄດ້ລົງຂ່າວວ່ານອກຈາກ 5 ປະເທດເອີລົບດັ່ງກ່າວແລ້ວ, ຫວຽດນາມກໍ່ຍັງໄດ້ມອບຜ້າອັດປາກ - ດັງແລະອຸປະກອນການແພດໃຫ້ແກ່ບັນດາປະເທດຄືກຳປູເຈຍ, ລາວແລະຈີນເພື່ອປ້ອງກັນ, ສະກັດກັ້ນໂລກລະບາດ.