(VOVWORLD) - ໃນຄວາມມານະພະຍາຍາມນຳເອົາບັນດາບົດລະຄອນເພງຄຼາດສິກຂອງໂລກ ມາໃກ້ກັບຜູ້ຊົມ ຫວຽດນາມ ຫຼາຍກວ່າ, ໂຮງມະໂຫລະສົບດົນຕີລະຄອນເພງ ຫວຽດນາມ (VNOB) ໄດ້ແນະນຳຕໍ່ມະຫາຊົນ ບົດລະຄອນໂອເປຣາຊື່ດັງ “Carmen” ບົນເວທີສະແດງໂຮງລະຄອນໃຫຍ່ ຮ່າໂນ້ຍ, ດ້ວຍການສະແດງ 3 ຄືນ ແຕ່ວັນທີ 14 – 16 ມີນາ. ຜົນງານດັ່ງກ່າວ ເຄີຍໄດ້ສະແດງຢູ່ ຫວຽດນາມ ເປັນຫຼາຍຄັ້ງ, ເຖິງຢ່າງໃດກໍຕາມ, “Carmen” ຂອງ VNOB ປີນີ້ ໄດ້ປະກົດຕົວຄືນໃໝ່ດ້ວຍໂສມໜ້າ ແລະ ຈິດໃຈແບບໃໝ່ອ່ຽມ.