(VOVWORLD) - ໃນຊຸມປີຜ່ານມາ, ຫວຽດນາມ ແລະ ກຳປູເຈຍ ໄດ້ຍູ້ແຮງການຮ່ວມມືໃນຫຼາຍຂົງເຂດ, ໃນນັ້ນມີການຮ່ວມມືບຳລຸງສ້າງທີ່ນັບມື້ນັບໄດ້ຮັບຄວາມເອົາໃຈໃສ່ເປັນພິເສດ ດ້ວຍຫຼາຍໂຄງການເຄື່ອນໄຫວທີ່ແທດຈິງ ແລະ ມີປະສິດທິຜົນ. ທຸກໆປີ, ຈຳນວນນັກຮຽນ, ນັກສຶກສາ ແລະ ນັກຄົ້ນຄ້ວາລະຫວ່າງສອງປະເທດລ້ວນແຕ່ເພີ່ມຂຶ້ນ. ຕາມບົດລາຍງານໝາກຜົນການປະຕິບັດໜ້າທີ່ສົກປີ 2022 – 2023, ທິດທາງ, ໜ້າທີ່ຈຸດສຸມສົກປີ 2023 – 2024 ຂອງກະຊວງສຶກສາ ແລະ ບຳລຸງສ້າງ ຫວຽດນາມ ແລ້ວ, ປັດຈຸບັນ ມີນັກສຶກສາຕ່າງປະເທດປະມານ 22.000 ຄົນທີ່ພວມຮ່ຳຮຽນຢູ່ ຫວຽດນາມ, ໃນນັ້ນມີນັກຮຽນ, ນັກສຶກສາ ກຳປູເຈຍ ປະມານ 4.000 ຄົນ.