ແງ່ຫວັງການເຈລະຈາສັນຕິພາບຢູ່ຊີຣີ: ບັນດາເຫດຜົນພາໄປເຖິງຄວາມເສຍຫວັງ
13/01/2017 12:32
ຊຸມມື້ສຸດທ້າຍຂອງປີ 2016, ສະພາຄວາມໝັ້ນຄົງແຫ່ງ ສ.ປ.ຊ ໄດ້ຮັບຮອງເອົາມະຕິສະບັບໜຶ່ງຊຶ່ງເຫັນດີຕໍ່ຄຳສັ່ງຢຸດຍິງຢູ່ຊີຣີ ໂດຍແມ່ນລັດເຊຍ-ຕວກກີ-ອີຣານ ເປັນກາງ
ຊຸມມື້ສຸດທ້າຍຂອງປີ 2016, ສະພາຄວາມໝັ້ນຄົງແຫ່ງ ສ.ປ.ຊ ໄດ້ຮັບຮອງເອົາມະຕິສະບັບໜຶ່ງຊຶ່ງເຫັນດີຕໍ່ຄຳສັ່ງຢຸດຍິງຢູ່ຊີຣີ ໂດຍແມ່ນລັດເຊຍ-ຕວກກີ-ອີຣານ ເປັນກາງ, ອັນໄດ້ເປີດຊ່ອງທາງໃຫ້ແກ່ການເຈລະຈາສັນຕິພາບຊຶ່ງຄາດວ່າຈະຖືກໄຂຂຶ້ນຢູ່ນະຄອນຫຼວງ Astana ຂອງກາຊັກສະຖານໃນທ້າຍເດືອນນີ້. ສັງເກດຢູ່ທາງນອກ, ຄຳສັ່ງຢຸດຍິງແມ່ນຄວາມເຫັນດີເຫັນພ້ອມລະຫວ່າງກອງທັບ ລັດຖະບານ ແລະ ກຳລັງຝ່າຍຄ້ານ, ຄຽງຂ້າງລັດເຊຍ, ຕວກກີ ແລະ ອີຣານ. ແຕ່ຕາມບັນດານັກໄຈ້ແຍກແລ້ວ, ມີປັດໄຈຫຼາຍຢ່າງທີ່ບໍ່ອາດປະເອີບໃຈຕໍ່ແງ່ຫວັງຂອງການເຈລະຈານີ້ ຍ້ອນມີຄວາມແຕກຕ່າງກັນຢ່າງໃຫຍ່ຫຼວງກ່ຽວກັບເປົ້າໝາຍການເມືອງຂອງບັນດາຝ່າຍທີ່ກ່ຽວຂ້ອງ. ກອງປະຊຸມກ່ຽວກັບບັນຫາຊີຣີຂອງສະພາຄວາມໝັ້ນຄົງ ສ.ປ.ຊ ຢູ່ຊີຣີບັນລຸໄດ້ລະຫວ່າງລັດຖະບານຊີຣີ ແລະ ບັນດາກຸ່ມຝ່າຍຄ້ານໂດຍຜ່ານການເປັນຄົນກາງຂອງລັດເຊຍ ແລະ ຕວກກີ. ຂໍ້ຕົກລົງນີ້ ກໍໄດ້ເປີດຊ່ອງທາງໃຫ້ແກ່ການເຈລະຈາຊຶ່ງຈະຖືກດຳເນີນໃນທ້າຍເດືອນນີ້. ແຕ່ນັບແຕ່ເມື່ອຂໍ້ຕົກລົງຢຸດຍິງມີຜົນບັງຄັບໃຊ້ມາຮອດປະຈຸບັນ, ນອກຈາກບັນດາສັນຍານລະເມີດຢູ່ສະຖານທີ່ຕົວຈິງນັ້ນ, ບັນດາຂໍ້ກ່າວຫາ ແລະ ຖະແຫຼງຕໍ່ກັນລະຫວ່າງບັນດາຝ່າຍໄດ້ເຮັດໃຫ້ຫາງສຽງບໍ່ອາດປະເອີບໃຈກ່ຽວກັບພື້ນຖານສັນຕິພາບຢ່າງແທ້ຈິງຊຶ່ງໄດ້ຮັບການສ້າງຕັ້ງຢູ່ຊີຣີ.
TAG
vovworld/ຊີຣີ/ປະທະ
Related
