ເປີດໜ້າປະຫວັດສາດໃໝ່ໃຫ້ແກ່ສາຍພົວພັນ ຫວຽດນາມ - ຈີນ
13/04/2026 08:54
[VOVWORLD] - ໂດຍໄດ້ຮັບຄຳເຊື້ອເຊີນຈາກທ່ານເລຂາທິການໃຫຍ່, ປະທານປະເທດ ຈີນ ສີຈີ້ນຜິງ ແລະ ພັນລະຍາ, ທ່ານ ໂຕເລິມ ເລຂາທິການໃຫຍ່, ປະທານປະເທດ ຫວຽດນາມ ພ້ອມດ້ວຍພັນລະຍາ ແລະ ຄະນະຜູ້ແທນຂັ້ນສູງ ຫວຽດນາມ ໄປຢ້ຽມຢາມທາງລັດຖະກິດຢູ່ ຈີນ ແຕ່ວັນທີ 14 – 17 ເມສາ. ການຢ້ຽມຢາມມີຄວາມໝາຍສຳຄັນທີ່ສຸດຕໍ່ທັງສອງປະເທດ, ເປີດໜ້າປະຫວັດສາດໃໝ່ໃຫ້ແກ່ສາຍພົວພັນ ຫວຽດນາມ - ຈີນ.
ນີ້ແມ່ນການຢ້ຽມຢາມຕ່າງປະເທດຄັ້ງທຳອິດຂອງທ່ານເລຂາທິການໃຫຍ່, ປະທານປະເທດ ຫວຽດນາມ ໂຕເລິມ ພາຍຫຼັງ ທີ່ ຫວຽດນາມ ບູລະນະບັນດາຕຳແໜ່ງການນຳລັດຢ່າງສົມບູນແບບໃນກອງປະຊຸມຄັ້ງປະຖົມມະລຶກ, ສະພາແຫ່ງຊາດຊຸດທີ XVI. ພ້ອມດຽວກັນນັ້ນ, ການຢ້ຽມຢາມປະເທດ ຈີນ ຄັ້ງນີ້ ກໍແມ່ນການຢ້ຽມຢາມຕ່າງປະເທດຄັ້ງທຳອິດຂອງທ່ານເລຂາທິການໃຫຍ່, ປະທານປະເທດ ຫວຽດນາມ ພາຍຫຼັງກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XIV ຂອງພັກກອມມູນິດ ຫວຽດນາມ. ການຢ້ຽມຢາມແມ່ນການເຄື່ອນໄຫວພົວພັນຕ່າງປະເທດສອງຝ່າຍທີ່ສຳຄັນທີ່ສຸດລະຫວ່າງສອງພັກ, ສອງລັດ ຫວຽດນາມ ແລະ ຈີນ ໃນປີນີ້, ເຮັດໃຫ້ສາຍພົວພັນຄູ່ຮ່ວມມືຍຸດທະສາດຮອບດ້ານ, ສ້າງປະຊາຄົມແບ່ງປັນອະນາຄົດ ຫວຽດນາມ - ຈີນ ທີ່ມີຄວາມໝາຍຍຸດທະສາດໃນໄລຍະໃໝ່ໃຫ້ເລິກເຊິ່ງກວ່າອີກ. 13.4-tsct_am-anh_1.jpg
TAG
VOV/VOVWORLD/ສາຍພົວພັນ ຫວຽດນາມ - ຈີນ/ເລຂາທິການໃຫຍ່/ປະທານປະເທດ ຫວຽດນາມ ໂຕເລິມ/ທ່ານເລຂາທິການໃຫຍ່/ປະທານປະເທດ ຈີນ ສີຈີ້ນຜິງ
Related
