ຕັດສິນໃຈສູງ, ມານະພະຍາຍາມຢ່າງແຮງ, ກະທຳຢ່າງຂ້ຽວຂາດເພື່ອປະຕິບັດສຳເລັດບັນດາເປົ້າໝາຍຂອງໄລຍະ 2021 – 2025
05/05/2025 08:34
(VOVWORLD) - ເມື່ອສະເໜີບົດລາຍງານລັດຖະບານກ່ຽວກັບການພັດທະນາເສດຖະກິດ - ສັງຄົມ ໃນພິທີໄຂກອງປະຊຸມສະໄໝສາມັນເທື່ອທີ 9, ສະພາແຫ່ງຊາດ ຫວຽດນາມ ຊຸດທີ XV, ເຊິ່ງໄດ້ດຳເນີນໃນຕອນເຊົ້າວັນທີ 05 ພຶດສະພາ, ຢູ່ຮ່າໂນ້ຍ, ທ່ານ ຟ້າມມິງຈິງ ນາຍົກລັດຖະມົນຕີ ຫວຽດນາມ ຢັ້ງຢືນວ່າ ບັນດາໝາກຜົນພັດທະນາເສດຖະກິດ - ສັງຄົມ ປີ 2024 ໄດ້ສ້າງທ່ວງທ່າປະຕິຮູບ, ສ້າງກຳລັງໜູນພັດທະນາ, ສ້າງບັນຍາກາດທີ່ຟົດຟື້ນໃຫ້ແກ່ປີ 2025. ທ່ານນາຍົກລັດຖະມົນຕີ ກໍໄດ້ເນັ້ນໜັກເຖິງເລື່ອງຜັນຂະຫຍາຍບັນດາມາດຕະການຢ່າງຄົບຊຸດ, ຂ້ຽວຂາດເພື່ອໃຫ້ ຫວຽດນາມ ສາມາດປະຕິບັດສຳເລັດບັນດາເປົ້າໝາຍເຕີບໂຕຂອງທັງໄລຍະ 2021 – 2025.
ບົດລາຍງານຊີ້ແຈ້ງວ່າ, ໃນ 04 ເດືອນຕົ້ນປີ 2025, ເສດຖະກິດມະຫາພາກມີສະຖຽນລະພາບໂດຍພື້ນຖານ, ໄພເງິນເຟີ້ໄດ້ຮັບການຄວບຄຸມເປັນຢ່າງດີ, ບັນດາຄວາມດຸນດດ່ຽງໃຫຍ່ສຳຄັນໄດ້ຮັບການຮັບປະກັນ. ໃນນັ້ນ, ສຳລັບທາງດ້ານເສດຖະກິດ, ການເຕີບໂຕ GDP ໃນໄຕມາດທີ 1 ປີ 2025 ຄາດວ່າບັນລຸໄດ້ 6,93% ສູງກວ່າເມື່ອທຽບໃສ່ໄລຍະ 2020 – 2025; ຫຼາຍທ້ອງຖິ່ນມີລະດັບການເຕີບໂຕ 2 ຕົວເລກ. ທິຶນ FDI ປະຕິບັດ ບັນລຸກວ່າ 6,7 ຕື້ USD, ສູງກວ່າໄລຍະ 2020 – 2025, ສິ່ງດັ່ງກ່າວໄດ້ຊີ້ໃຫ້ເຫັນວ່າ ຫວຽດນາມ ສືບຕໍ່ແມ່ນຈຸດນັບພົບທີ່ດູດດື່ມສຳລັບນັກລົງທຶນສາກົນ. ກ່ຽວກັບດ້ານວັດທະນະທຳ, ສັງຄົມ, ດັດຊະນີຄວາມຜາສຸກຂອງ ຫວຽດນາມ ໃນປີ 2025 ຢືນອັນດັບທີ 46 ໃນຈຳນວນ 143 ປະເທດ, ຫຍັບຂຶ້ນ 8 ຂັ້ນເມື່ອທຽບໃສ່ປີ 2024.
TAG
VOV/VOVworld/ຄວາມເຊື່ອໝັ້ນໃໝ່/ເປົ້າໝາຍເຕີບໂຕ/ຕັດສິນໃຈສູງ/ມານະພະຍາຍາມຢ່າງແຮງ/ກະທຳຢ່າງຂ້ຽວຂາດ
Related
