(VOVWORLD) - ໂດຍຕອບຮັບຄຳເຊື້ອເຊີນຂອງລັດຖະບານຈີນ, ທ່ານ ຟ້າມມິງຈິງ ນາຍົກລັດຖະມົນຕີ ຫວຽດນາມຈະເຂົ້າຮ່ວມກອງປະຊຸມສຸດຍອດອົງການຮ່ວມມືຊຽງໄຮ້ (SCO) 2025 ດ້ວຍຖານະເປັນແຂກຖືກເຊີນ ແລະ ມີບັນດາການເຄື່ອນໄຫວປະຕິບັດງານຢູ່ຈີນ ນັບແຕ່ວັນທີ 31 ສິງຫາ ຫາວັນທີ 1 ກັນຍາ. ການເດີນທາງໄປປະຕິບັດງານຂອງທ່ານນາຍົກລັດຖະມົນຕີ ແມ່ນເພື່ອແນໃສ່ສືບຕໍ່ຜັນຂະຫຍາຍ, ຫັນມະຕິເລກທີ 59 ຂອງກົມການເມືອງກ່ຽວກັບການເຊື່ອມໂຍງເຂົ້າກັບສາກົນໃນສະພາບການໃໝ່ໃຫ້ປະກົດຜົນເປັນຈິງ, ໃນນັ້ນ ເອົາໃຈໃສ່ເປັນພິເສດເຖິງການ ເຂົ້າຮ່ວມບັນດາເວທີປາໄສຫຼາຍຝ່າຍ ແລະ ກົນໄກຮ່ວມມືລະດັບພາກພື້ນ ແລະ ສາກົນຢ່າງຕັ້ງໜ້າ.