ບົນພື້ນຖານການພົວພັນ “ບ້ານໃກ້ເຮືອນຄຽງອັນດີງາມ, ມິດຕະພາບທີ່ເປັນມູນເຊື້ອ, ການຮ່ວມມືຮອບດ້ານ, ໝັ້ນຄົງຍາວນານ”, ຫວຽດນາມ ປາດຖະໜາຢາກໃຫ້ ກຳປູເຈຍ ຈັດຕັ້ງການເລືອກຕັ້ງນີ້ໃຫ້ປະສົບຜົນສຳເລັດຢ່າງຈົບງາມ, ປະກອບສ່ວນນຳປະເທດ ກຳປູເຈຍ ນັບມື້ນັບພັດທະນາ ແລະ ວັດທະນາຖາວອນ. ການເລືອກຕັ້ງຄັ້ງນີ້ ມີຄວາມໝາຍສຳຄັນຍິ່ງສຳລັບປະເທດ ກຳປູເຈຍ. ຄາດວ່າ ມີພັກການເມືອງປະມານ 20 ພັກເຂົ້າຮ່ວມການຫາສຽງເລືອກຕັ້ງໃນການເລືອກຕັ້ງສະພາແຫ່ງຊາດຄັ້ງນີ້. ພ້ອມກັບບັນດາພັກການເມືອງທີ່ມີການເຄື່ອນໄຫວມາແຕ່ດົນນານຄືພັກປະຊາຊົນ ກຳປູເຈຍ (CPP), ພັກ FUNCINPEC, ພັກສັນຊາດຂະແມແລ້ວ, ຍັງມີບັນດາພັກທີ່ຫາກໍ່ສ້າງຕັ້ງຂຶ້ນໃໝ່ ກໍ່ໄດ້ເຂົ້າຮ່ວມການຫາສຽງເລືອກຕັ້ງ.