ກອງ​ປະຊຸມ​ສຸດ​ຍອດ​ຂອງ ສປຊ ກ່ຽວ​ກັບ​ການ​ປ່ຽນ​ແປງ​ຂອງ​ດິນ​ຟ້າ​ອາກາດ​ຄັ້ງ​ທີ 17 (ກອງ​ປະຊຸມ COP 17) ​​ໄດ້​ຖືກ​ຈັດຂຶ້ນ​ໃນ​ຕົ້ນ​ອາທິດ​ຜ່ານ​ມາ ຢູ່ ນະຄອນ​ທະ​ເລ Durban ປະ​ເທດ ອາ​ຟຼິກາ​ໃຕ້ ​ແລະ ສືບ​ຕໍ່​ແກ່ຍາວ​ຮອດ​ທ້າຍອາທິດ​ນີ້. ພ້ອມ​ກັບ​ ປະມານ 15.000 ຜູ້​ແທນມາ​ຈາກ 194 ປະ​ເທດ ​ແລະ ​ເຂດ​ແຄ້ວ​ນ​ໃນ​ທົ່ວ​ໂລກ, ຄະນະ​ຜູ້​ແທນ​ຫວຽດນາມ ​ເຂົ້າ​ຮ່ວມ​ກອງ​ປະຊຸມ COP 17  ສືບ​ຕໍ່​ຢັ້ງຢືນ​ຄວາມ​ຕັດສິນ​ໃຈ​ພ້ອມ​ກັນ​ເຄື່ອນ​ໄຫວ ​ເພື່ອ​ຮັບ​ມືກັບ​ການ​ປ່ຽນ​ແປງ​ຂອງ​ດິນ​ຟ້າ​ອາກາດ. ກອງ​ປະຊຸມ ​ກໍ​ແມ່ນ​ໂອກາດ​ເພື່ອ​ໃຫ້ ຫວຽດນາມ ​ແນະນຳ, ສະ​ເຫ​ນີນະ​ໂຍບາຍ​ຂອງ​ຕົນ​ທ່ີ​ກ່ຽວຂ້ອງ​ເຖິງ​ການ​ປ່ຽນ​ແປງ​ຂອງ​ດິນ​ຟ້າ​ອາກາດ, ຢູ່​ທັງ​ລະດັບ​ສອງ​ຝ່າຍ ​ແລະ ຫລາຍ​ຝ່າຍ.