(VOVWORLD) - ວັນທີ 01 ຕຸລາ, ທ່ານນາງປະທານຄະນະກຳມະການເອີຣົບ (EC) Ursula von der Leyen ໄດ້ປະກາດວ່າ ສະຫະພາບເອີຣົບ (ອີຢູ) ໄດ້ຕົກລົງສົ່ງແຈ້ງການຢ່າງເປັນທາງການໄປໃຫ້ ອັງກິດ, ເຊິ່ງເປັນຂັ້ນຕອນທຳອິດຂອງລະບຽບການດ້ານນິຕິກຳ, ຍ້ອນວ່າ ປະເທດນີ້ລະເມີດບັນດາມາດຕະການຂອງຂໍ້ຕົກລົງຖອນຕົວອອກຈາກ ອີຢູ. ເລື່ອງເລີ່ມດຳເນີນບັນດາລະບຽບການດ້ານນິຕິກຳດັ່ງກ່າວ ໄດ້ສະແດງໃຫ້ເຫັນວ່າ ບັນດາຄວາມບໍ່ລົງລອຍກັນຢ່າງເລິກເຊິ່ງໃນການພົວພັນລະຫວ່າງ ອັງກິດ ແລະ ສະຫະພາບເອີຣົບ ທີ່ກ່ຽວຂ້ອງເຖິງເລື່ອງອັງກິດ ຖອນຕົວອອກຈາກ ອີຢູ ນັ້ນ ແມ່ນຍັງບໍ່ທັນແກ້ໄຂໄດ້ເທື່ອ ເຊິ່ງເປັນສັນຍານບົ່ງບອກໃຫ້ຮູ້ກ່ຽວກັບໄລຍະຄວາມເຄັ່ງຕຶງໃໝ່ໃນການພົວພັນສອງຝ່າຍ.