(VOVWORLD) - ຫວ່າງແລ້ວນີ້, ທຸກປະເທດສະມາຊິກສະພາເສດຖະກິດສັງຄົມ ສປຊ (ECOSOC) ລ້ວນແຕ່ເຫັນດີເຫັນພ້ອມເລືອກເອົາ ຫວຽດນາມ ເຂົ້າເປັນສະມາຊິກ ສະພາບໍລິຫານງານອົງການ ສປຊ ກ່ຽວກັບຄວາມສະເໝີພາບລະຫວ່າງຍິງ ຊາຍ ແລະ ການມອບສິດ ໃຫ້ແກ່ ແມ່ຍິງ (UN Women) ອາຍຸການ 2025 – 2027. ສິ່ງນີ້ ສະແດງໃຫ້ເຫັນການຮັບຮູ້ ແລະ ຕີລາຄາສູງຂອງປະຊາຄົມ ສາກົນ ຕໍ່ບັນດານະໂຍບາຍ, ຜົນງານກ່ຽວກັບການຊຸກຍູ້ຄວາມສະເໝີພາບລະຫວ່າງ ຍິງ ຊາຍ ແລະ ຄວາມມານະພະຍາຍາມໃນການຮ່ວມມືສາກົນຂອງ ຫວຽດນາມ ໃນຂົງເຂດນີ້.