ນຳການພົວພັນຄູ່ຮ່ວມມືຍຸດທະສາດຫວຽດນາມ - ໄທ ພັດທະນາຢ່າງເລິກເຊິ່ງກ້ວາງຂວາງ
23/07/2015 10:35
ການຢ້ຽມຢາມລາຊະອານາຈັກໄທຢ່າງເປັນທາງການຂອງທ່ານນາຍົກລັດຖະມົນຕີຫວຽດນາມ ຫງວຽນເຕີ້ນຢຸງ ແລະ ພັນລະຍາ ແມ່ນເຫດການທີ່ສຳຄັນໃນການພົວພັນ 2 ຝ່າຍຫວຽດນາມ - ໄທ
ການຢ້ຽມຢາມລາຊະອານາຈັກໄທຢ່າງເປັນທາງການຂອງທ່ານນາຍົກລັດຖະມົນຕີຫວຽດນາມ ຫງວຽນເຕີ້ນຢຸງ ແລະ ພັນລະຍາ ແມ່ນເຫດການທີ່ສຳຄັນໃນການພົວພັນ 2 ຝ່າຍຫວຽດນາມ - ໄທ. ການຢ້ຽມຢາມແມ່ນເພື່ອແນໃສ່ປັບປຸງ ແລະເພີ່ມທະວີການພົວພັນຄູ່ຮ່ວມມືຍຸດທະສາດຫວຽດນາມ - ໄທໃນບັນດາຂົງເຂດຮ່ວມມື, ພິເສດແມ່ນການເມືອງ, ການປ້ອງກັນຊາດ, ປ້ອງກັນຄວາມສະຫງົບ, ເສດຖະກິດ, ການຄ້າ, ການລົງທຶນ, ແຮງງານ ກໍຄືຊຸກຍູ້ການຮ່ວມມືລະຫວ່າງ 2 ປະເທດໃນບັນດາກົນໄກຮ່ວມມືພາກພື້ນ ແລະ ອະນຸພາກພື້ນ. ໃນໄລຍະຢ້ຽມຢາມລາຊະອານາຈັກໄທ, ວັນທີ 23/7, ນອກຈາກກອງປະຊຸມຄະນະລັດຖະບານລວມ, ທ່ານນາຍົກລັດຖະມົນຕີຫວຽດນາມ ຫງວຽນເຕີ້ນຢຸງ ຍັງມີບັນດາການພົບປະກັບປະທານສະພານິຕິບັນຍັດແຫ່ງຊາດໄທ, ພົບປະກັບ ສົມເດັດພະເທບ ຣັດຕະນະຣາຊະສຸດາ ສະຫຍາມບໍຣົມຣາຊະກຸມມາລີແຫ່ງ ຣາຊະອານາຈັກໄທ , ເຂົ້າຮ່ວມການພົບປະສົນທະນາລະຫວ່າງວິສາຫະກິດຂອງ 2 ປະເທດ ແລະ ພົບປະກັບປະຊາຄົມຊາວຫວຽດນາມອາໄສຢູ່ໄທ.
TAG
vovworld/ການພົວພັນ/ຍຸດທະສາດ
Related
