(VOVWORLD) -ທ່ານປະທານາທິບໍດີ ອາເມລິກາ Donald Trump ຫາກໍ່ມີຄຳຕັດສິນ ຊື່ງຕາມການຕີລາຄາຈາກບັນດານັກວິເຄາະແມ່ນສຽງໄພທີ່ສຸດ ເມື່ອຮັບຮູ້ ເຢຣູຊາແລມ ແມ່ນນະຄອນຫລວງຂອງ ລັດຊາວຢິວ ອິດສະຣາແອນ ແລະ ອາເມລິກາ ອາດຈະຍ້າຍສະຖານທູດມາຕັ້ງຢູ່ ນະຄອນນີ້. ໃນຫລາຍທົດສະວັດມານີ້, ເຢຣູຊາແລມ ແມ່ນຫນຶ່ງໃນບັນດາບັນຫາສັບສົນທີ່ສຸດໃນການປະທະກັນທີ່ແກ່ຍາວລະຫວ່າງ ປາແລດສະຕີນ ແລະ ອິດສະຣາແອນ. ດ້ວຍຄຳຕັດສິນນີ້, ວິວັດທະນາການສັນຕິພາບຢູ່ ພາກພື້ນນີ້ ອາດຈະຖືກທຳລາຍ ແລະ ພາໄປເຖິງບັນດາການປະທະກັນ, ການຂັດແຍ້ງກັນ, ຂາດສະຖຽນລະພາບໃຫມ່.