ຊາຕາກຳຂອງຂໍ້ຕົກລົງນິວເຄຼຍອີຣານ ພາຍຫຼັງອາເມລິການຖອນຕົວອອກຈາກຂໍ້ຕົກລົງຄັ້ງປະຫວັດສາດນີ້ ຍັງຄົງສືບຕໍ່ແມ່ນຫົວຂໍ້ທີ່ “ຮ້ອນເຮັ່ງ” ໃນ 2, 3 ວັນມໍ່ໆມານີ້. ຫວ່າງແລ້ວນີ້, ອີຣານໄດ້ຢັ້ງຢືນວ່າ ຈະສືບຕໍ່ເຂົ້າຮ່ວມ ຂໍ້ຕົກລົງນິວເຄຼຍ ດ້ວຍເງື່ອນໄຂ ບັນດາປະເທດເອີຣົບຍັງຄົງສະໜັບສະໜູນການຮັກສາຂໍ້ຕົກລົງດັ່ງກ່າວຢູ່. ໃນຂະນະນັ້ນ, ອາເມລິກາໄດ້ກະຕຸກຊຸກຍູ້ບັນດາພັນທະມິດຄື ອັງກິດ, ຝລັ່ງ, ເຢຍລະມັນ ສົມທົບກັບ Washington ຢ່າງບໍ່ຢຸດຢັ້ງ, ພ້ອມທັງນາບຂູ່ວ່າ ຈະລົງໂທດບັນດາບໍລິສັດເອີຣົບ ຖ້າຫາກວ່າ ສືບຕໍ່ມີການຮ່ວມມືກັບ ສາທາລະນະລັດອິດສະລາມອີຣານ.