ມີຫຼາຍແຫຼ່ງຂ່າວເອກະລາດເອີລົບ ໃຫ້ຮູ້ວ່າ, ຕາລີບານ ຍາດໄດ້ສິດຄວບຄຸມດິນແດນຂອງ ອາບການິດສະຖານ ໄດ້ເຖິງ 65% ແລ້ວ, ໃນນັ້ນ ມີຫຼາຍນະຄອນຍຸດທະສາດ, ພ້ອມກັນນັ້ນ ກໍ່ພວມນາບຂູ່ວ່າຈະບຸກໂຈມຕີ ແລະ ຢຶດຄອງເອົາຫຼາຍແຂວງ, ນະຄອນອື່ນອີກ. ການເຄື່ອນໄຫວຂອງພວກກະບົດ ຕາລີບານ ພວມດຳເນີນໄປຢ່າງຮຸນແຮງ, ໃນນັ້ນ ກຳລັງຕ່າງໆຂອງ ອາບການິດສະຖານ ກໍ່ພວມເຕົ້າໂຮມກັນເພື່ອປົກປ້ອງບັນດານະຄອນໃຫຍ່ທີ່ຍັງເຫຼືອ, ໃນນັ້ນ ມີນະຄອນຫຼວງ Kabul.