(VOVWORLD) - ວັນທີ 14 ຕຸລາ ຕາມເວລາທ້ອງຖິ່ນ, ຢູ່ສຳນັກງານ ສປຊ ຢູ່ນິວຢອກ ອາເມລິກາ, ກອງປະຊຸມສະມັດຊາໃຫຍ່ ສປຊ ຊຸດທີ 80 ໄດ້ເລືອກຕັ້ງບັນດາສະມາຊິກສະພາສິດທິມະນຸດ ສປຊ ອາຍຸການ 2026 – 2028, ໃນນັ້ນ ຫວຽດນາມ ໄດ້ຮັບການເລືອກຕັ້ງຄືນໃໝ່ດຳລົງຕຳແໜ່ງນີ້ດ້ວຍບັດສະໜັບສະໜູນສູງທີ່ສຸດ ໃນບັນດາຜູ້ອອກສະໝັກຮັບເລືອກຕັ້ງ ຕາງໜ້າໃຫ້ພາກພື້ນ ອາຊີ - ປາຊີຟິກ. ນີ້ແມ່ນຂີດໝາຍປະຫວັດສາດ, ສະແດງໃຫ້ເຫັນຄວາມໄວ້ເນື້ອເຊື່ອໃຈຂອງ ສປຊ ແລະ ປະຊາຄົມສາກົນ ຕໍ່ທີ່ຕັ້ງບົດບາດ, ອິດທິພົນຊື່ສຽງ ກໍ່ຄືບັນດາການປະກອບສ່ວນຢ່າງແທ້ຈິງຂອງ ຫວຽດນາມ ໃນການຊຸກຍູ້ ແລະ ປົກປ້ອງສິດທິມະນຸດ, ສືບຕໍ່ຢັ້ງຢືນຖານະບົດບາດ ຫວຽດນາມ ໃນວິວັດການຮ່ວມມືຫຼາຍຝ່າຍ.