(VOVWORLD) - ແຕ່ວັນທີ 21-24 ກັນຍາ, ທ່ານປະທານປະເທດຫວຽດນາມ ເລືອງເກື່ອງ ພ້ອມດ້ວຍພັນລະຍາ ແລະ ຄະນະຜູ້ແທນຂັ້ນສູງ ຫວຽດນາມ ຈະເຂົ້າຮ່ວມວາລະປຶກສາຫາລືລວມຂັ້ນສູງ ກອງປະຊຸມສະມັດຊາດໃຫຍ່ ສປຊ ຊຸດທີ 80, ສົມທົບກັບການເຄື່ອນໄຫວສອງຝ່າຍຢູ່ ອາເມລິກາ. ນີ້ແມ່ນການໄປປະຕິບັດງານທີ່ມີຄວາມໝາຍທີ່ສຸດ, ຢັ້ງຢືນຄຳໝັ້ນສັນຍາຢ່າງແຮງຂອງ ຫວຽດນາມ ທີ່ມີຕໍ່ລັດທິຫຼາຍຝ່າຍ ແລະ ບັນດາຄຸນຄ່າຫຼັກແຫຼ່ງຂອງ ສປຊ. ສຳລັບ ອາເມລິກາ, ບັນດາການເຄື່ອນໄຫວສອງຝ່າຍຂອງທ່ານປະທານປະເທດໃນໂອກາດນີ້ ຈະປະກອບສ່ວນກຳນົດທິດການຮ່ວມມືສອງຝ່າຍ ພາຍຫຼັງທີ່ໄດ້ສ້າງຕັ້ງການພົວພັນຄູ່ຮ່ວມມືຍຸດທະສາດຮອບດ້ານມາເປັນເວລາ 2 ປີ.