 ទំហំទឹកប្រាក់នៃការនាំចេញរបស់វៀតណាមកើនឡើងយ៉ាងខ្លាំងក្លាក្នុងត្រីមាសទី១ឆ្នាំ២០១៨ (រូបថត៖ chinhphu.vn) |
តាមរបាយការណ៍របស់ក្រសួងផែនការនិងវិនិយោគថា ស្ថានភាពសេដ្ឋកិច្ច ក្នុងប្រទេសក្នុងត្រីមាសទី១ឆ្នាំ២០១៨ បន្តរក្សាសន្ទុះកំណើនចាប់ពីចុងឆ្នាំ២០១៧ ។ ម៉ាក្រូសេដ្ឋកិច្ចមានស្ថិរភាព តម្លៃទំនិញនិងអតិផរណាត្រូវបានគ្រប់គ្រង ទីផ្សារ ហិរញ្ញវត្ថុនិងរូបិយវត្ថុមានសន្ទស្សន៍ល្អ ផ្សារហ៊ុនមានកំណើនស្ថិរភាព ការទាក់ ទាញទុនវិនិយោគ ការបើកប្រាក់ចំណាយនិងការនាំចេញនាំចូលសុទ្ធតែមាន បម្រែបម្រួលវិជ្ជមាន។ តាមការធ្វើស្ថិតិរបស់ក្រសួងផែនការនិងវិនិយោគថា ប្រសិនបើ ក្នុងត្រីមាសទី១ឆ្នាំ២០១៧ វៀតណាមទទួលបានកំណើន GDP ត្រឹម ៥,១%តែប៉ុណ្ណោះ ដែលជាកម្រិតទាបបំផុតបើប្រៀបនឹងរយៈពេលដូចគ្នាក្នុង ៣ឆ្នាំមុននោះ គឺដល់ឆ្នាំ២០១៨ កំណើន GDP ក្នុងត្រីមាសទី១បានកើនដល់ ៧,៣៨% ស្មើរនឹងកំណើននៃពាក់កណ្ដាលចុងឆ្នាំ២០១៧។ ប្រការនេះសរឲ្យ ឃើញនូវ ការបញ្ជាណែនាំរបស់លោកនាយករដ្ឋមន្រ្តីរដ្ឋាភិបាលដែលថា មិនទុក ឲ្យអូសបន្លាយស្ថានការណ៍ “យឺតយ៉ាវនាដើមឆ្នាំ ប្រញាប់ប្រញាល់នាចុងឆ្នាំ” ត្រូវ បានបញ្ជូនទៅកាន់ក្រសួង ស្ថាប័ន និងតំបន់ជាច្រើន ហើយបានបញ្ជូលក្នុង សេចក្ដីសម្រេចចិត្តលេខ០១។ លោក Nguyen Dinh Cung ប្រធានវិទ្យាស្ថានគ្រប់គ្រងសេដ្ឋកិច្ចមជ្ឈឹម បានឲ្យដឹងថា៖
“ស្ថានភាពសេដ្ឋកិច្ចក្នុងឆ្នាំ២០១៨មានចំណុចខុសប្លែកពីឆ្នាំមុនៗ។ នោះគឺ ការដែលរដ្ឋាភិបាលបានដាក់ចេញភារកិច្ចជាក់ស្ដែងចំនួន២៤២ ជាមួយកាល កំណត់ជាក់ស្ដែង។ ពិសេសគឺ ឆ្នាំនេះរដ្ឋាភិបាលបានដាក់ចេញទិសស្លោកក៏ដូច ជាស្មារតីប្រតិបត្តិការនោះគឺ “វិន័យ ត្រឹមត្រូវ ធ្វើសកម្មភាពដោយភាពច្នៃប្រឌិត និងប្រសិទ្ធភាព”។
 រដ្ឋាភិបាលវៀតណាមប្ដេជ្ញាចិត្តបន្តកែលំអបរិយាកាសវិនិយោគនិងជួយសម្រួលដល់បែបបទរដ្ឋបាល |
ក្នុងត្រីមាសទី១ឆ្នាំ២០១៨ វៀតណាមមានសហគ្រាសចំនួន២៦.៨០០អង្គ ភាពដែលបានបង្កើតថ្មី ជាកម្រិតខ្ពស់បំផុតក្នុងរយៈពេល៧ឆ្នាំកន្លងមក។ ការ ដោះស្រាយការលំបាក បង្កលក្ខណៈងាយស្រួលសំរាប់សហគ្រាស គឺជាភារកិច្ច ដែលបានអនុវត្តយ៉ាងខ្លាំងក្លាដែរ។ លោក Vu Tien Loc ប្រធានសភាពាណិជ្ជកម្ម និងឧស្សាហកម្មវៀតណាម បានឲ្យដឹងថា៖
“ការជួយសម្រួលដល់បែបបទរដ្ឋបាល ត្រូវបានដាក់ចេញចាប់ពីច្រើន ឆ្នាំមក ហើយយើងមានសេចក្ដីសម្រេចចិត្ត សារាចរណ៍និងកម្មវិធីធ្វើសកម្មភាព ជាច្រើនដើម្បីអនុវត្ត ប៉ុន្តែនេះជាពេលវេលាដែលគោលជំហរនេះបានអនុវត្ត ដោយការប្ដេជ្ញាចិត្តខ្ពស់បំផុតនិងទទួលបានលទ្ធផលជាក់ស្ដែងបំផុត។ រដ្ឋា ភិបាលបានដាក់ចេញគោលដៅគឺ ក្នុងរយៈពេលពី១ដល់២ឆ្នាំខាងមុខ ក្រសួងនិង ស្ថាប័នទាំងអស់ត្រូវកាត់បន្ថយយ៉ាងហោចណាស់១/៣ដល់១/២បរិមាណ លក្ខខណ្ឌអាជីវកម្មនិងបែបបទរដ្ឋបាល។ ខ្ញុំគិតថា នេះជាសេចក្ដីសម្រេច លោតផ្លោះ។ នាពេលកន្លងទៅ ក្រសួងឧស្សាហពាណិជ្ជកមបានកាត់បន្ថយពាក់ កណ្ដាលបរិមាណបែបបទរដ្ឋបាលរបស់ខ្លួនហើយ”។
ទោះបីត្រីមាសទី១ឆ្នាំ២០១៨ទទួលបានកំណើនគួរឲ្យចាប់អារម្មណ៍ក្ដី ប៉ុន្តែ រដ្ឋាភិបាលនៅសំណូមពរឲ្យក្រសួង ស្ថាប័នទាក់ទិននានា តាមដានយ៉ាងដិតដល់ នូវបម្រែបម្រួលសេដ្ឋកិច្ចនៅក្នុងនិងក្រៅប្រទេស ដើម្បីត្រៀមរៀបចំវិធានការផ្ទុក បម្រុងនាពេលជួបការលំបាក ក៏ដូចជាវិធានការសំរាប់ឆ្នាំក្រោយៗទៀត៕
