ក្រោយរយៈពេល ៤០ ឆ្នាំនៃការផ្លាស់ប្តូរថ្មី ទីក្រុងហាណូយទទួលបានសមិទ្ធិផលដ៏ធំធេង និងគ្រប់ជ្រុងជ្រោយ

នៅក្នុងសន្និសីទ អនុលេខាគណៈកម្មាធិការបក្សទីក្រុងហាណូយលោក Nguyen Van Phong បានមានប្រសាសន៍ថា ក្នុងរយៈពេល ៤០ ឆ្នាំនៃការផ្លាស់ប្តូរថ្មី សេដ្ឋកិច្ចរបស់រដ្ឋធានីពីសេដ្ឋកិច្ចឧបត្ថម្ភបានផ្លាស់ប្តូរជាបណ្តើរៗក្លាយទៅជាសេដ្ឋកិច្ចទីផ្សារតាមទិសដៅសង្គមនិយម។ យន្តការនិងគោលនយោបាយអភិវឌ្ឍន៍សេដ្ឋកិច្ចទីផ្សារកំពុងត្រូវបានកែលម្អជាបណ្តើរៗ។ ឋានៈរបស់រដ្ឋធានីលើឆាកអន្តរជាតិត្រូវបានលើកកម្ពស់។

ទិដ្ឋភាពនៃសន្និសីទ។ រូបថត៖ dangcongsan.vn

លើវិស័យអភិវឌ្ឍន៍វប្បធម៌និងកសាងមនុស្ស ទីក្រុងហាណូយទទួលបានសមិទ្ធិផលដ៏ធំធេង គ្រប់ជ្រុងជ្រោយ ជ្រាលជ្រៅ និងលេចធ្លោលើវិស័យមួយចំនួន។ បុព្វហេតុវប្បធម៌ សង្គម អប់រំនិងបណ្តុះបណ្តាល សុខាភិបាល វិទ្យាសាស្ត្រនិងបច្ចេកវិទ្យាកាន់តែអភិវឌ្ឍន៍ ទទួលបានលទ្ធផលសំខាន់ៗជាច្រើន។ គុណភាពនៃការថែទាំសុខភាពរបស់ប្រជាជនត្រូវបានប្រសើរឡើង សន្តិសុខសង្គមត្រូវបានធានា។ ការអនុវត្តភារកិច្ចការពារជាតិនិងសន្តិសុខមានការផ្លាស់ប្តូរថ្មី ច្នៃប្រឌិត និងច្បាមជាប់ស្ថានភាពជាក់ស្តែង។ កិច្ចការបរទេសរបស់ទីក្រុងមានការផ្លាស់ប្តូរជាវិជ្ជមាន។ ទីក្រុងហាណូយបានពង្រីកការចងសម្ព័ន្ធមេត្រីភាពជាមួយរដ្ឋធានី និងទីក្រុងធំៗនៃប្រទេសជាច្រើនជុំវិញពិភពលោក។

ពីស្ថានភាពជាក់ស្ដែងនៃការងារអនុវត្តបុព្វហេតុផ្លាស់ប្ដូរថ្មីតាមទិសដៅសង្គមនិយម និងសមិទ្ធិផលដ៏ធំធេង គ្រប់ជ្រុងជ្រោយដែលសម្រេចបានក្នុងរយៈពេល ៤០ ឆ្នាំកន្លងទៅ គណៈកម្មាធិការបក្សទីក្រុងហាណូយបានដកមេរៀនបទពិសោធន៍ និងកំណត់ដំណោះស្រាយដែលរដ្ឋធានីត្រូវដោះស្រាយក្នុងដំណាក់កាលអភិវឌ្ឍន៍ថ្មី៕