(VOVWORLD) - ខេត្ត ក្វាង និញ កំពុងពន្លឿនការអនុវត្តដំណោះស្រាយដែលមានគោលបំណងក្លាយជាមជ្ឈមណ្ឌលទេសចរណ៍កីឡាពិសេស ដែលផ្សាភ្ជាប់ជាមួយធម្មជាតិ និងបេតិកភណ្ឌ។ នេះគឺជាប្រធានបទសំខាន់នៃសន្និសីទ "អភិវឌ្ឍន៍ទេសចរណ៍ផ្សាភ្ជាប់នឹងវិស័យកីឡានៅខេត្ត ក្វាង និញ ឆ្នាំ ២០២៥" ដែលបានប្រារព្ធឡើងនាថ្ងៃទី ១៧ ខែធ្នូ)។
 ខេត្តក្វាងនិញរៀបចំសិក្ខាសាលា ស្វែងរកដំណោះស្រាយដើម្បីលើកកម្ពស់ការអភិវឌ្ឍទេសចរណ៍ដែលភ្ជាប់ជាមួយកីឡា (រូបថត៖ វូមៀន/VOV-ភាគឦសាន) |
នៅក្នុងសន្និសីទនេះ ប្រតិភូនានាបានបញ្ជាក់ថា ដោយគុណសម្បត្តិលេចធ្លោរបស់ខ្លួនលើធនធានសមុទ្រនិងកោះ ព្រមទាំងប្រព័ន្ធនៃតំបន់បេតិកភណ្ឌធម្មជាតិ និងវប្បធម៌ដ៏ល្បីល្បាញដូចជាឈូងសមុទ្រហាឡុង ឈូងសមុទ្របៃទើឡុង អៀនទើ...ខេត្តក្វាងនិញមានលក្ខខណ្ឌអំណោយផលសម្រាប់ការរៀបចំព្រឹត្តិការណ៍កីឡាទ្រង់ទ្រាយធំៗ ចាប់ពីកីឡាក្នុងទឹករហូតដល់កីឡាលើភ្នំ។ ដូច្នេះ ទេសចរណ៍ដែលភ្ជាប់ទៅនឹងកីឡាគឺជាទិសដៅអភិវឌ្ឍន៍សមស្របមួយដែលមានសក្តានុពល ដែលរួមចំណែកដល់ការធ្វើពិពិធកម្មផលិតផល ពង្រីករដូវកាល និងបង្កើនភាពប្រកួតប្រជែងរបស់ខេត្តក្វាងនិញ។
 ប្រតិភូស្នើវិធានការលុបបំបាត់ចំណុះកក់ស្ទះដើម្បីឱ្យខេត្តក្វាងនិញអាចក្លាយជាមជ្ឈមណ្ឌលទេសចរណ៍ និងកីឡានៃតំបន់ (រូបថត៖ វូមៀន/VOV-ភាគឦសាន) |
អ្នកជំនាញផ្តល់អនុសាសន៍ថា ខេត្តគួរតែពង្រឹងការផ្សព្វផ្សាយ និងកសាងម៉ាកទេសចរណ៍កីឡាដោយឡែកសម្រាប់ខេត្តក្វាងនិញ រួមជាមួយនឹងយុទ្ធសាស្ត្រទំនាក់ទំនងពិសេស ដើម្បីបង្កើតចំណាប់អារម្មណ៍យ៉ាងខ្លាំងនៅក្នុងចិត្តរបស់អ្នកទេសចរ។ ដោយទទួលស្គាល់ការចូលរួមចំណែក លោក ង្វៀន វៀត យុង នាយកមន្ទីរវប្បធម៌ កីឡា និងទេសចរណ៍ខេត្តក្វាងនិញ បានឲ្យដឹងថា៖ “ពីការកំណត់អត្តសញ្ញាណសក្តានុពល និងគុណសម្បត្តិនៃតំបន់នីមួយៗយ៉ាងច្បាស់ អាជីវកម្ម និងអ្នកជំនាញបានចង្អុលបង្ហាញពីតម្រូវការក្នុងការពង្រឹងទំនាក់ទំនងរវាងអង្គភាពចូលរួម រវាងតំបន់និងអាជីវកម្ម និងរវាងអង្គភាពរៀបចំសកម្មភាពកីឡា និងសេវាកម្មអមដំណើរ។ ជាមួយគ្នានេះ ចាំបាច់ត្រូវអភិវឌ្ឍផលិតផល និងកញ្ចប់សេវាកម្មសម្រាប់កីឡា ទេសចរណ៍ និងកន្លែងស្នាក់នៅតាមបណ្តោយខ្សែសង្វាក់តម្លៃ ខណៈពេលដែលផ្តោតលើការវិនិយោគលើហេដ្ឋារចនាសម្ព័ន្ធឯកទេស ការកែលម្អគុណភាពធនធានមនុស្ស ការលើកកម្ពស់ការអនុវត្តវិទ្យាសាស្ត្រ និងបច្ចេកវិទ្យា និងការផ្លាស់ប្តូរឌីជីថលក្នុងការផ្សព្វផ្សាយ និងទំនាក់ទំនងនៃផលិតផលជាទីមកដល់”៕
