 |
| ជនជាតិ Tay ធ្វើមានពីដើមកាវឡាក (VOV) |
Vovworld-ចម្ការកាវឡាករបស់លោក Nguyen Trung Hieu មានចម្ងាយពី
កណ្ដាលទីក្រុង Lang Son ប្រមាណ២០គីឡូម៉ែត្រប៉ុណ្ណោះ។ ២ឆ្នាំកន្លងមកក្រៅពី
អតិថិជននៅទីក្រុង Lang Son នៅមានអតិថិជនមកពីតំបន់ឆ្ងាយផ្សេងៗដូចជា
ហាណូយ Bac Giang, Hai Phong, Ha Giang ក៏បានហៅទូរស័ព្ទកម្មង់ទិញទំនិញ។
អតិថិជនកម្មង់ទិញកាវឡាកក្នុងម្នាក់១០គីឡូក្រាម។ លោក Hieu បានឲ្យដឹងថា៖
“ក្នុងឆ្នាំកន្លងទៅខ្ញុំទទួលផលបាន១តោន មិនគ្រប់គ្រាន់ដើម្បីលក់ឡើយ។
គ្រាប់កាវឡាកក្រោយពីប្រមូលផលរួចត្រូវបែងចែកជា២ប្រភេទ។ គ្រាប់តូចលក់
៦ម៉ឺនដុងក្នុងមួយគីឡូក្រាម គ្រាប់ធំគឺលក់៨ម៉ឺនដុងក្នុងមួយគីឡូក្រាម។ ប្រាក់
ចំណូលទទួលបានប្រមាណ១៦០ដល់១៧០លានក្នុងមួយឆ្នាំ។”
នាឆ្នាំ២០០៣ ទីក្រុង Lang Son មានគោលការណ៍កសាងរូបសណ្ឋានពិសោធន៍
ដាំដុះសាកពូជកាវឡាកថ្មី។ គ្រួសារលោកបានប្តេជ្ញាយកដើមកាវឡាកចំនួន៣០០
មកដាំដុះ។ ត្រឹមតែ២ឆ្នាំថែទាំដាំដុះ ដើមកាវឡាកចំនួន៣០០ដើមបានរីកលូតលាស់
និងចាប់ផ្ដើមឲ្យគ្រាប់។ គ្រាប់កាវឡាកធំមិនចាញនឹងគ្រាប់កាវឡាករបស់ខេត្ត Cao
Bang ឡើយ។ ដោយឃើញថានេះនឹងជាប្រភេទដើមឈើជួយអភិវឌ្ឍន៍សេដ្ឋកិច្ចដ៏
ចីរភាព នាឆ្នាំ២០០៦ លោក Hieu បានសំរេចចិត្តយកផ្ទៃដី៣ហិកតាដាំដើមឈើ
ហូបផ្លែផ្សេងៗផ្ទេរទៅដាំដើមកាវឡាក។ លោក Hieu បានឲ្យដឹងបន្ថែមទៀតថា៖
“កាលនោះខ្ញុំបានដាំដុំដើមកាវឡាកចំនួន១៨០០ដើម។ ដើមឈើនេះដាំដុះ
ងាយស្រួលណាស់ ពីព្រោះថាដើមឈើនេះថែទាំងាយស្រួលមិនដូចនឹងដើមឈើ
ហូបផ្លែផ្សេងៗឡើយ។ ឧទាហរណ៍គឺការដាក់ជីគីមីគឺមួយឆ្នាំដាក់ម្ដងតែប៉ុណ្ណោះ។”
ក្រោយរយៈពេល៤ឆ្នាំថែទាំ មានបន្ថែមដើមកាវឡាកចំនួន១៥០០របស់គ្រួសារ
លោក Hieu បានចាប់ផ្ដើមឲ្យប្រមូលផល។ នាគ្រាដំបូងលោក Hieu និងប្រពន្ធគឺ
លោកស្រី Hoang Thi Thuy ត្រូវទៅគ្រប់ទីកន្លែងហាងលក់ទំនិញភោជ្ជនីយដ្ឋានផ្ញើរ
ជួយលក់ឲ្យ។ លោកស្រី Thuy បានចែករំលែកថា៖
“នាគ្រាដំបូងដើម្បីឧទ្ទេសនាមទំនិញយើងត្រូវលីងកាវឡាកពី៤ដល់៥គីឡូ
ក្រាមដាក់លើតុពិសារតែរបស់គេ។ ភ្ញៀវមកពិសារបាយគេមើលហើយទិញ។ក្រោយ
រយៈពេលមួយគេស្គាល់ដល់និងហៅទូរស័ព្ទមកទិញ។ ឥឡូវនេះប្រមូលផលមកដល់
ផ្ទះគឺគេទិញអស់ហើយ។”
រូបសណ្ឋានចម្ការកាវឡាកដើមដំបូងនៅខេត្ត Lang Son មិនត្រឹមតែនាំមកនូវ
ផលប្រយោជន៍សេដ្ឋកិច្ចសំរាប់គ្រួសារលោក Hieu ប៉ុណ្ណោះទេ ថែមទាំងបង្កើត
ការងារធ្វើសំរាប់ពលករមួយចំនួននៅភូមិ Quang Trung ២ទៀតផង។ លោកស្រី
Hoang Thi Kiem អាយុ៦១ឆ្នាំជាជនជាតិ Tay នៅភូមិ Quang Trung ២ ក្នុងប៉ុន្មានឆ្នាំ
កន្លងមកដោយការជួយគ្រួសារលោក Hieu ប្រមូលគ្រាប់កាវឡាកដែលលោកស្រី
បានមានខ្ទង់ប្រាក់មួយដើម្បីផ្ទុកឲ្យខ្លួន។ លោកស្រីក៏ចង់ឲ្យកូនរបស់ខ្លួនរៀនតាម
លោក Hieu ដាំដុះដើមកាវឡាកធ្វើមាន។ លោកស្រី Kiem បានឲ្យដឹងថា៖
“ឥឡូវនេះខ្ញុំក៏បានប្រាប់កូនគឺបើផ្ទេរប្តូរចម្ការត្រូវធ្វើដូចជាលោក Hieu ដើម្បីមាន
ចំណូលសំរាប់គ្រួសារ។ គាត់ប្រាប់ខ្ញុំថា ចាំបង Hieu បំបៅដើមតូចគឺគាត់យកមកដាំ
ដុះ។”
ជីវភាពរស់នៅខាងសេដ្ឋកិច្ចរបស់មនុស្សជាង៤៥០០នាក់នៅឃុំ Quang Lac
ពីយូរមកចំណុះទៅលើដើមពោធន៍ដើមស្រូវ។ ថ្នាក់ដឹកនាំឃុំបានណែនាំប្រជាជន
ដាំសាកប្រភេទដើមឈើថ្មីជាច្រើនប៉ុន្តែប្រសិទ្ធភាពសេដ្ឋកិច្ចមិនខ្ពស់ឡើយ។ រូប
សណ្ឋានចម្ការកាវឡាកប្រសិនបើបានពង្រីកដ៏ជោគជ័យនឹងជួយឲ្យ Quang Lac
ដោះស្រាយបញ្ហាចំណូលនិងការងារធ្វើសំរាប់ប្រជាជនជាជនជាតិភាគតិចជា
ជនជាតិ Tay នៅទីនេះ៕
