 ទិដ្ឋភាពនៃឈូងសមុទ្រពែរ្ស ពីទីក្រុង Bushehr ប្រទេសអ៊ីរ៉ង់។ រូបថត៖ VNA |
នាថ្ងៃដដែល ប្រធានាធិបតីអាមេរិកលោក ដូណាល ត្រាំ បានពន្យារពេលកំណត់សម្រាប់អ៊ីរ៉ង់ក្នុងការបើកច្រកសមុទ្រ Hormuz ឡើងវិញ និងផ្អាក់ផែនការវាយប្រហារដែលគ្រោងនឹងធ្វើឡើងសំដៅទៅលើរោងចក្រថាមពលរបស់ទីក្រុងតេអេរ៉ង់ រយៈពេល ៥ ថ្ងៃ។ នៅក្នុងសេចក្តីប្រកាសមួយនៅលើបណ្តាញសង្គម Truth Social ត្រឹមតែប៉ុន្មានម៉ោងមុនថ្ងៃផុតកំណត់ថ្ងៃទី ២៣ ខែមីនា លោកប្រធានាធិបតី ដូណាល ត្រាំ បានឲ្យដឹងថា សហរដ្ឋអាមេរិក និងអ៊ីរ៉ង់មាន "ការចរចាដ៏ល្អ និងមានប្រសិទ្ធភាព" ដែលអាចនាំឱ្យមាន "ដំណោះស្រាយដ៏ទូលំទូលាយ និងហ្មត់ចត់" សម្រាប់ជម្លោះបច្ចុប្បន្ន។ ទោះជាយ៉ាងណាក៏ដោយ អាជ្ញាធរអ៊ីរ៉ង់នៅតែបដិសេធព័ត៌មានថា ប្រទេសនេះបានចរចាជាមួយអាមេរិក ដូចដែលលោក ដូណាល ត្រាំ បានប្រកាស ។
 នាវាដឹកឧស្ម័នរាវមួយគ្រឿងចុះចត នៅពេលដែលការដឹកជញ្ជូនទំនិញឆ្លងកាត់ច្រកសមុទ្រ Hormuz បានថយចុះ ថ្ងៃទី១១ ខែមីនា ឆ្នាំ២០២៦។ រូបថត៖ REUTERS/Benoit Tessier |
ក្នុងពេលជាមួយគ្នានោះ ទីបញ្ជាការកណ្តាលសហរដ្ឋអាមេរិកនៅមជ្ឈិមបូព៌ា (CENTCOM) បានប្រកាស បន្តធ្វើការវាយប្រហារទៅលើគោលដៅយោធារបស់អ៊ីរ៉ង់។ កងកម្លាំងការពារអ៊ីស្រាអែល (IDF) បានប្រកាសថា កងទ័ពជើងអាកាសរបស់ខ្លួន បានវាយប្រហារលើទីតាំងសន្តិសុខកំពូលរបស់កងឆ្មាំបដិវត្តន៍អ៊ីស្លាមអ៊ីរ៉ង់ (IRGC) ក៏ដូចជាកងជីវពលប៉ារ៉ាយោធា Basij នៅក្នុងទីក្រុងតេអេរ៉ង់។
ផ្ទុយទៅវិញ អ៊ីរ៉ង់បានបើកការវាយប្រហារដោយមីស៊ីលបាលីស្ទិកចំនួនប្រាំគ្រាប់ សំដៅទៅលើភាគកណ្តាល និងភាគខាងត្បូងនៃប្រទេសអ៊ីស្រាអែល។ ទោះជាយ៉ាងណាក៏ដោយ ចំនួនអ្នកស្លាប់និងរងរបួស ក៏ដូចជាការខូចខាត មិនទាន់ត្រូវបានប្រកាសនៅឡើយទេ៕
