“ដូរតន្ត្រីបុរាណ” - ថែរក្សាស្នូរសម្លេងពីសម័យមុន

(VOVworld) - មានមនុស្សតិចតួចណាស់ដែលដឹងថា នៅលើវិថី Dao Duy Tu
ស្ថិតនៅមជ្ឈមណ្ឌលតំបន់វិថីបុរាណនៅទីក្រុងហាណូយ ត្រូវបានស្គាល់ដល់ដោយ
សកម្មភាពលេងកំសាន្តនាពេលរាត្រីសំរាប់យុវជននោះ​ ក៏មានបរិយាកាសដូរតន្ត្រី
ប្រពៃណីសម្បូរបែបជាមួយការច្រៀង ca tru ច្រៀង xamច្រៀង cheo ទៀតផង។
ដោយចាប់ផ្ដើមកកើតឡើងពីខែឧសភាឆ្នាំ២០១៥ មក កម្មវិធី “ដូរតន្ត្រីបុរាណ” ត្រូវ
បានរៀបចំឡើង ជារៀងរាល់ខែ​សំដៅនាំមកជូនទស្សនិកជននូវការយល់ដឹងឲ្យ
បានទូលំទូលាយអំពីដូរតន្ត្រី ប្រពៃណីនៅតំបន់ដី Thang Long – Ha Noi ក៏ដូចជារួម
ចំណែកថែរក្សានិងផ្សព្វ ផ្សាយតំលៃនៃដូរតន្ត្រីប្រពៃណីវៀតណាមផងដែរ។

សិល្បៈករសិល្បៈការិនីក្នុងក្រុម "Dong Kinh co nhac" ̣(រូបថត៖VOV)

   
នាវេលាម៉ោង៨យប់ថ្ងៃសុក្រ នៅលើជាន់ទី៣នៃមជ្ឈមណ្ឌលជួបប្រាស្រ័យ
វប្បធម៌បុរាណ លេខ៥០ វិថី Dao Duy Tu ទស្សនិកជនជាង២រយនាក់ហាក់ដូចជា
កំពុងរស់នៅក្នុង ពិភពលោកផ្សេងមួយ។មិនមែនជាឆាកសំដែងដ៏ឆើតឆាយនោះ
ទេ។ឆាកសំដែង ចំពោះមុខក្រុមទស្សនិកជនគឺមានកម្រាលមួយចំនួនដែលបានធ្វើ
ពីស្មៅកក់។សិល្បៈ ករ សិល្បៈការិនីនៃក្រុមដូរតន្ត្រីបុរាណ “Dong Kinh co nhac”
សំដែងក្នុងបរិយា កាសមួយដ៏ ជិតស្និទ្ធជាមួយទស្សនិកជន។អង្គុយនៅជួរកៅអីខាង
មុខនោះគឺ លោក John Diamond អាជីវករជនជាតិស្វីសមួយរូបដែលកំពុងធ្វើការនៅ
ទីក្រុង ហាណូយ។លោកបានឲ្យដឹងថា លក្ខណៈដ៏ស្និទ្ធិស្នាល​និងពិសេសដោយ
ឡែក នៃបរិយាកាសដូរតន្ត្រីនេះធ្វើឲ្យលោកទស្សនាមិនចេះឆ្អែកឆ្អន់ឡើយ។ 
"ខ្ញុំស្គាល់ដល់កម្មវិធីនេះតាមរយៈការឧទ្ទេសនាមរបស់មិត្តភក្ដិមួយរូប។នេះជា
លើក ទី៣ដែលខ្ញុំមកទីនេះ។ខ្ញុំចូលចិត្តកម្មវិធីនេះណាស់ ដោយសារនេះពោរពេញ
ទៅដោយអត្តសញ្ញាវប្បធម៌ប្រពៃណីរបស់វៀតណាម។បើទោះបីជាខ្ញុំមិនយល់ទាំង
អស់អំពីពាក្យពេជ្រក្នុងបទចម្រៀងក្ដីប៉ុន្តែឧបករណ៍តន្ត្រីនិងបទភ្លេងធ្វើឲ្យខ្ញុំចាប់
អារម្មណ៍យ៉ាងខ្លាំង”។  

ក្រុមសិល្បៈករសំដែងលើឆាកសាមញ្ញមួយក្នុងបរិយាកាសដ៏ជិតស្នីទ្ធិជាមួយទស្សនិកជន (រូបថត៖htv.org.vn)

បើទោះបីជាគ្មានមីក្រូហ្វូននិងឧបករណ៍អេឡិចត្រូនិកដូចជាឆាកទំនើបៗនោះ
ក្ដី តែសិល្បៈការិនីឆ្នើម Thanh Binh នៅអាចសំដែងបទចម្រៀងមួយបទមានចំណង
ជើងថា “Trang An hoai co” (នឹករលឹក Trang An)យ៉ាងពិរោះ។ស្នូរសម្លេងគ្រលួច
របស់សិល្បៈការិនីរូបនេះរួមជាមួយស្នូរសម្លេងរបស់ឧបករណ៍តូន្ត្រីប្រពៃណីដូចជា
ចាបី nguyet និងស្គរធ្វើឲ្យទស្សនិកជនគ្រប់រូបមានអារម្មណ៍ថា បានវិលត្រឡប់មក
បរិយាកាសដូរតន្ត្រីបុរាណមុននេះរាប់រយឆ្នាំ។      
“ឆាកនេះគឺអស្ចារ្យណាស់ចំពោះសិល្បៈករសិល្បៈការិនីតូន្ត្រីប្រពៃណីដូច
យើងខ្ញុំ។វាសមស្របទៅនឹងបទចម្រៀងប្រពៃណីគ្រប់ ប្រភេទ ដូចជា cheo tuong
ca tru  និង xam។មិនត្រូវការមីក្រូហ្វូននោះទេ យើងខ្ញុំ ច្រៀងដោយសម្លេងពិតៗ
របស់ខ្លួន មិន ខ្លាចថាមីក្រូហ្វូននឹងធ្វើឲ្យសម្លេងរបស់យើង ត្រូវមិនពិរោះនោះទេ”។
មិនត្រឹមតែទាក់ទាញការចូលរួមរបស់សិល្បៈករជំនាន់មុនប៉ុណ្ណោះទេ កម្មវិធី
“ដូរតន្ត្រីបុរាណ” គឺជាវេទិកាដើម្បីសិល្បៈករសិល្បៈការិនីវ័យក្មេងដទៃដូចជា
សិល្បៈការិនី Bich Lien ខិតមកជិតដល់ទស្សនិកជនទៀតផង។ការច្រៀងបទ
ចម្រៀងប្រភេទ chau van ដោយចំណងជើងថា “Co doi thuong ngan” របស់ក្រុម
សិល្បៈករសិល្បៈការិនីព្រមទាំងមានរបាំរាំអមរបស់សិល្បៈការិនីឆ្នើម Bich Lien
ធ្វើឲ្យបរិយាកាសក្នុងបន្ទប់កាន់តែផុលផុសឡើង។ទស្សនិកជនទាំងចាស់ទាំង
ក្មេងនាំគ្នាទះដៃតាមបទភ្លេង។
“ខ្ញុំមានសំណាងល្អនៅពេល ចូលរួមកម្មវិធីនេះជាមួយ សិល្បៈជំនាន់មុន។នៅ
ទីនេះខ្ញុំរៀនសូត្របាននូវរបៀបសំដែងនិងបច្ចេកទេសច្រៀង។ជួនកាលក្នុងជីវភាព
រស់នៅ ការច្រណែនឈ្នានីសបណ្ដាលការស្រ ឡាញ់អាជីពរបស់ខ្ញុំត្រូវសាបរលាប
ទៅ។ប៉ុន្តែនៅពេលចូលរួមកម្មវិធីនេះហើយ ឃើញការស្រឡាញ់ អាជីពអស់ពីចិត្ត
ពីថ្លើមរបស់បងៗជំនាន់មុន ព្រមទាំងការ គាំទ្រយ៉ាងខ្លាំងរបស់ ទស្សនិកជន ខ្ញុំគិត
ថាត្រូវពិនិត្យមើលខ្លួនឯងឡើងវិញហើយខិត ខំប្រឹងប្រែង ថែមទៀតក្នុងអាជីព។"

ឈុតសំដែងដ៏វិសេសវិសាលមួយក្នុងកម្មវិធី

ក្នុងរយៈពេលមួយម៉ោង បរិយាកាសដូរតន្ត្រីបុរាណបាននាំមកនូវចំណាប់
អារម្មណ៍ជាច្រើនខុសពីគ្នាចំពោះទស្សនិកជន។លង់អារម្មណ៍ក្នុងបរិយាកាសពោរ
ពេញទៅដោយមនោសញ្ចេតនានៃបទចម្រៀង “Loi ru” (លូឡាប៊ី)របស់សិល្បៈកា
រិនីប្រជាជន Thanh Hoai។ពេលខ្លះភ្ញាក់ផ្អើលដោយសំរែករបស់សិល្បៈការិនីឆ្នើម
Thuy Ngan ក្នុងឈុតសំដែង cheo មានចំណងជើងថា “Suy Van gia dai” (នាង Suy
Van ធ្វើពុតជាឆ្កួត)។ឬមានពេលសប្បាយដោយអត្ថបទចម្រៀងគួរឲ្យអស់សំណើច
នៃបទចម្រៀង “Com bui ca” (បទចម្រៀងស្ដីអំពីអាហារតាមដងផ្លូវ) របស់សិល្បៈករ
ប្រជាជន Manh Hoach។
នៅពេលឈុតសំដែងមួយចប់ ទស្សនិកជនអាចដាក់ផ្លាក់ឬស្សីដែលបានលក់
ដោយប្រាក់ចំនួន២ដុល្លាអាមេរិកមួយផ្លាក់ ចូលក្នុងកេសមួយនៅលើឆាកដើម្បី
លើកទឹកចិត្តឲ្យឈុតសំដែងនិងសិល្បៈករដែលគេចូលចិត្ត។បើទោះបីនេះជាលើក
ដំបូងចូលរួមកម្មវិធីនេះក្ដី ប៉ុន្តែលោក Minh Long យុវជនមួយនាក់បានទិញផ្លាក់
ឬស្សីយ៉ាងហោចណាស់៣ផ្លាក់ ដើម្បីគាំទ្រឲ្យបណ្ដាឈុតសំដែងឆ្នើម។ 
 “ខ្ញុំមកទីនេះដោយចៃដន្យប៉ុន្តែមានសំណាងល្អដោយសារ បានឃើញរាល់
ឈុតសំដែងដ៏អស្ចារ្យ។កម្មវិធីសំដែងសិល្បៈដូច្នេះពិតជាលក្ខណៈពិសេសដោយ
ឡែក របស់ទីក្រុងហាណូយ។

ឈុតសំដែង cheo ដោយចំណងជើងថា "Suy Van gia dai"

ធ្វើយ៉ាងម៉េចដើម្បីមានទស្សនិកជនវ័យក្មេងដូច Minh Long មកចូលរួមកម្មវិធី
នេះកាន់តែច្រើនពីមួយថ្ងៃទៅមួយថ្ងៃ?នោះជាគោលដៅរបស់តន្រ្តីករ Vu Nhat Tan
ជាសមាជិកមួយនាក់នៃគណៈចាត់តាំងនៃកម្មវិធីតន្ត្រីបុរាណនេះ។
“ក្រោយពីរយៈពេល១ឆ្នាំបានរៀបចំឡើង នាបច្ចុប្បន្នកម្មវិធី នេះទទួលបាន
លទ្ធផលសកម្មជាច្រើន។ទស្សនិកជនទាំងអស់សុទ្ធតែជាអ្នក ស្រឡាញ់ដូរតន្ត្រី
ប្រពៃណី។គេមកហើយគេនឹងមើលរហូតដល់ចប់ចុងចប់ដើម។បើទោះបីជាជួប
ការលំបាកមួយចំនួនលើវិស័យហិរញ្ញវត្ថុនិងការផ្សព្វផ្សាយក្ដី តែយើងខ្ញុំនឹងខំប្រឹង
ប្រែងអស់ពីកម្លាំងដើម្បីរក្សាកម្មវិធីនេះសំដៅអភិរក្សតំលៃតន្ត្រីប្រពៃណីរបស់
វៀតណាម។"
ជិតដល់ម៉ោង១០យប់កម្មវិធីសំដែងបានបញ្ចប់។ប៉ុន្តែរាល់ចំណាប់អារម្មណ៍
ដែលវានាំមកសំរាប់ទស្សនិកជនមិនទាន់រលាយបាត់នៅឡើយទេ។នៅរដ្ឋធានី
មួយដែលកំពុងរត់តាមរលកនៃជីវភាពរស់នៅទំនើបៗនោះ កម្មវិធី “ដូរតន្ត្រី
បុរមាណ” ហាក់ ដូចជារលកក្រោមដីប៉ុន្តែហូរយ៉ាងខ្លាំងក្លា ហើយតភ្ជាប់អតីត
កាលនិងសម័យ កាលព្រមទាំងនាំមកជូនជំនាន់វ័យក្មេងក៏ដូចជាមិត្តភក្តិអន្តរ
ជាតិនូវចំណាប់ អារម្មណ៍ផ្សេងទៀតអំពីខឿនវប្បធម៌ដូចសម្បូរបែបនៅតំបន់ដី
 Thang Long – Ha Noi៕
ខ្សែវីដេអូស្ដីអំពីឈុតសំដែងមួយចំនួនក្នុងកម្មវិធី "ដូរតន្ត្រីបុរាណ"៖