VOVWORLD_នៅប្រទេសវៀតណាម សារមន្ទីរ
នៅទីក្រុងគឺមានច្រើនតែសារមន្ទីរនៅតំបន់ជនបទ
គឺកម្រណាស់។ថ្វីបើដូច្នេះក្ដីតែនៅស្រុកGiao Thuyខេត្ត
Nam Dinh ភូមិភាគខាងជើងវៀតណាមមានសារមន្ទីរ
មួយតាំងបង្ហាញវត្ថុនានាដែលផ្សារភ្ជាប់ជាមួយជីវ
ភាពរស់នៅរបស់ប្រជាកសិករនៅតំបន់វាលសណ្ដទន្លេ
ក្រហម។ នោះគឺសារមន្ទីរជនបទឯកជនរបស់អតីត
យុទ្ធជនឧត្តមសេនីយត្រី Hoang Kien។
VOVWORLD_នៅប្រទេសវៀតណាម សារមន្ទីរនៅទីក្រុងគឺមានច្រើនតែ
សារមន្ទីរនៅតំបន់ជនបទគឺកម្រណាស់។ថ្វីបើដូច្នេះក្ដីតែនៅស្រុកGiao Thuyខេត្ត
Nam Dinh ភូមិភាគខាងជើងវៀតណាមមានសារមន្ទីរមួយតាំងបង្ហាញវត្ថុនានា
ដែលផ្សារភ្ជាប់ជាមួយជីវភាពរស់នៅរបស់ប្រជាកសិករនៅតំបន់វាលសណ្ដទន្លេ
ក្រហម។ នោះគឺសារមន្ទីរជនបទឯកជនរបស់អតីតយុទ្ធជនឧត្តមសេនីយត្រី
Hoang Kien។
ពីទីក្រុង Nam Dinhធ្វើដំណើរប្រមាណ៤០គីឡូម៉ែត្រទៅកាន់ឃុំ Giao Thinh
ចំណុះស្រុកGiao Thuyខេត្ត Nam Dinhគឺភ្ញៀវទេសចរនឹងមានវត្តមាននៅសារ
មន្ទីរជនបទនេះ។សារមន្ទីរនេះស្ថិតនៅក្នុងតំបន់ជនបទដែលប្រជាជនមានជីវ
ភាពរស់នៅធូរធា មានវាលស្រែស្រូវធំល្វឹងល្វើយ។នៅក្នុងសារមន្ទីរមានតាំងបង្ហាញ
នូវវត្ថុតាងដែលទាក់ទិនដល់ជីវភាពរស់នៅរបស់អ្នកស្រុកនិយាយដោយឡែកនិង
របស់ប្រជាជនវាលសណ្ដភូមិភាគខាងជើងនិយាយរួម។
មកទស្សនាសារមន្ទីរជនបទនេះចាប់ពីច្រកចូលភ្ញៀវទេសចរអាចមើលឃើញ
ទិដ្ឋភាពភូមិដ្ឋានដែលមានស្រះចិញ្ចឹមត្រី និងឧបករណ៍នេសាទបុរាណដូចជាឈ្នក់
ថ្នងរួមជាមួយជួរដើមរំយោលនៅតាមសង្ខាងផ្លូវចូលសារមន្ទីរ។នៅក្នុងចំការមាន
ដាំដំណាំប្រពៃណីគ្រប់មុខរបស់ប្រជាកសិករនៅតំបន់វាលសណ្ដភាគខាងជើង
ជាអាទិ៍មានដើមច័ន្ទដើម Chay និងដើមVoi។នៅខាងក្រៅសារមន្ទីរមានសាង
សង់ផ្ទះរស់នៅរបស់គ្រប់ស្រទាប់វណ្ណៈដូចជាផ្ទះម្ចាស់ដី ផ្ទះកសិករក្រីក្រជាដើម។អ្នក
ស្រីTran Thi Hueជាមគ្គទេសិកានៅសារមន្ទីរជនបទបានឲ្យដឹងថា
“ តំបន់នីមួយៗមានលក្ខណៈដាច់ដោយឡែកនិងផ្សេងៗគ្នាហើយនេះជា
បណ្ដាផ្ទះរបស់តំបន់Giao Thuy។ វាខុសបន្តិចពីផ្ទះនៅតំបន់ផ្សេងៗក្នុងវាលសណ្ដ
ភាគខាងជើង។ឧទាហរណ៍ផ្ទះម្ចាស់ដីនេះវាខុសពីផ្ទះម្ចាស់ដីនៅខេត្ត Ha Nam។ផ្ទះ
នៅទីនោះ ធំជាងដោយសារទឹកដីនេះទើបបានឆ្ការព្រៃគាស់រានដីបង្កើតឡើង
ភូមិដ្ឋានមុននេះតែ២០០ឆ្នាំប៉ុណ្ណេះបានជាម្ចាស់ដីនៅទីនេះក្រជាងម្ចាស់ដីនៅខេត្ត
ដទៃ”។
នៅកណ្ដាលបរិវេណសារមន្ទីរជនបទនេះមានផ្ទះ៤ជាន់មួយដែលតាំងបង្ហាញ
វត្ថុលេចធ្លោនៃតំបន់ជនបទ។នៅជាន់ទីមួយតាំងបង្ហាញវត្ថុរបស់អ្នកបង្កើតសារ
មន្ទីររួមជាមួយវត្ថុតាងពីសម័យសង្គ្រាម។ជាន់ទី៣ជាកន្លែងបង្ហាញគ្រឿងដែក
គ្រឿងភាជន៍និងប្រដាប់ធ្វើពីផ្ដៅឬស្សី។រីឯជាន់ទី២ជាបន្ទប់ពិពណ៌។អ្នកស្រីTran
Thi Hueឲ្យដឹងទៀតថា
“ ជាន់ទី២ជាកន្លែងតាំងបង្ហាញសំខាន់នៃសារមន្ទីរជនបទ។ប្រធានបទ
សំខាន់នៅទីនេះគឺដំណាំស្រូវជាមួយវាលសណ្ដភាគខាងជើង។វត្ថុតាងសំខាន់គឺ
ឧបករណ៍កសិកម្មទាក់ទិនដល់របរដាំដុះស្រូវ។ទាំងអស់នេះជាឧបករណ៍កសិកម្ម
ដែលធ្លាប់បានប្រើប្រាស់ក្នុងសកម្មភាពផលិតកម្មជាក់ស្ដែងរួមមានឧបករណ៍ធ្វើ
ដី ឧបករណ៍ថែទាំ ច្រូតកាត់ និងកែច្នៃស្រូវជាដើម”។
 |
| ប្រដាប់ប្រដាក្នុងជីវភាពរស់នៅនិងផលិតកម្មរបស់ប្រជាកសិករតំបន់វាលសណ្ដត្រូវបានយកមកតាំងបង្ហាញយ៉ាងរស់រវើក |
ប្រដាប់ប្រដាក្នុងជីវភាពរស់នៅនិងផលិតកម្មរបស់ប្រជាកសិករតំបន់វាល
សណ្ដត្រូវបានយកមកតាំងបង្ហាញយ៉ាងរស់រវើកមានជាអាទិ៍ ត្បាល់កិនស្រូវ ត្បាល់
បុកស្រូវ នង្គ័ល រនាស់ ល្អី ឆ្នាំង ចានជាដើម។ពេលមកទស្សនាសារមន្ទីរជនបទនេះ
ភ្ញៀវទេសចរណ៍ក៏មានឱកាសធ្វើសាកល្បងនូវការងារមួយចំនួនរបស់កសិករដូចជា
វេចនំ ដាំបន្លែ ចាប់ត្រី កិនស្រូវ បុកអង្ករទៀតផង។តា Nguyen Van Tho ជាកសិករ
វ័យចំណាស់មួយរូបនៅឃុំ Giao Thinh ស្រុកGiao Thuyខេត្ត Nam Dinhបានសំណេះ
សំណាលថា
“ ជារួមថាចាប់តាំងពីពេលមានសារមន្ទីរនេះមកខ្ញុំសង្កេតឃើញថាជំនាន់វ័យ
ក្មេងបានមកទស្សនានិងស្គាល់ត្បាល់កិនស្រូវ ត្បាល់បុកស្រូវ ទាំងនេះ។សិស្សានុសិស្ស
សាលាអនុវិទ្យាល័យនិងសាលាវិទ្យាល័យមួយចំនួនពីហាណូយតែងតែមកទស្សនា
ហើយពួកគេចូលចិត្តវត្ថុតាំងទាំងនេះណាស់”។
សារមន្ទីរជនបទជាសំណង់វប្បធម៌មួយកន្លែងដែលស្ដែងចេញនូវអារម្មណ៍
ជីវភាពរស់នៅ ស្មារតីធ្វើពលកម្មឧស្សាហព្យាយាម និងការតស៊ូជាមួយធម្មជាតិ
របស់ប្រជាជនវៀតណាមគ្រប់ជំនាន់តាំងពីមុនមក៕
