បរិយាកាសបុណ្យណូអែលដ៏កក់ក្តៅពាសពេញតាមដងផ្លូវនៃទីក្រុង Hue

ការតុបតែងបុណ្យណូអែលនៅព្រះវិហារនានានៅទីក្រុងហ្វេ។ រូបថត៖ Le Hieu/VOV ភាគកណ្តាល

សម្រាប់គ្រួសារកាតូលិកជាច្រើន នៅក្នុងទីក្រុង Hue បុណ្យណូអែលមិនត្រឹមតែជាទិវាបុណ្យដ៏សំខាន់ប៉ុណ្ណោះទេ ប៉ុន្តែរដូវកាលនេះក៏ជាឱកាសសម្រាប់ការជួបជុំគ្នា   និងរួមគ្នាទទួលអារម្មណ៍ជាតម្លៃនៃការតភ្ជាប់ និងសេចក្តីស្រឡាញ់ផងដែរ។ លោក Vo Van Thien សាសនិកជនម្នាក់មកពីសង្កាត់ Thuan Hoa ទីក្រុង Hue បាននិយាយថា៖  “នៅខែធ្នូជារៀងរាល់ឆ្នាំ សាសនិកជនតែងតែជួបជុំគ្នា ផ្លាស់ប្តូរគំនិត និងរៃអង្គាសថវិកាដើម្បីរៀបចំសម្រាប់បុណ្យណូអែល ក្នុងស្មារតីនៃសេចក្តីរីករាយ ការជួបជុំគ្នា សាមគ្គីភាព និងការគាំទ្រគ្នាទៅវិញទៅមកក្នុងជីវភាព។ នេះគឺជាចំណងសាមគ្គីភាពដ៏អស្ចារ្យដែលត្រូវបានរក្សាអស់ជាច្រើនទសវត្សរ៍មកហើយ”។

ព្រះសហគមន៍កាតូលិក ព្រះវិហារ និងក្រុមអ្នកស្ម័គ្រចិត្តចែកចាយអំណោយសប្បុរសធម៌ ដើម្បីជួយដល់ជនក្រីក្រ។ រូបថត៖  Le Hieu/VOV ភាគកណ្តាល

ក្រុមអ្នកស្ម័គ្រចិត្តកាតូលិកចែកអំណោយសប្បុរសធម៌ដើម្បីជួយដល់ជនក្រីក្រ។ រូបថត៖Le Hieu/VOV ភាគកណ្តាល

បុណ្យណូអែលនៅក្នុងទីក្រុង Hue កាន់តែកក់ក្តៅនៅពេលដែលស្មារតីនៃសេចក្តីស្រឡាញ់ត្រូវបានរីកសាយភាយ តាមរយៈសកម្មភាពចែករំលែកជាក់ស្តែង។   លោក ហ្វាម ង៉ុកថាញ់ ប្រធានគណៈកម្មាធិការព្រះធម៌ជំនឿជាក់នៃ ព្រះសហគមន៍កាតូលិក ភូ កាម ហួរ បានឲ្យដឹងថា៖ “នៅក្នុងព្រះសហគមន៍កាតូលិក ជារៀងរាល់ឆ្នាំនឹងមានកម្មវិធី "ចម្រៀងបុណ្យណូអែល"។ នៅឆ្នាំនេះ ដោយមានគោលបំណងឆ្ពោះទៅដល់ជនរងគ្រោះដោយទឹកជំនន់នៅភាគកណ្តាលវៀតណាម រាត្រីចម្រៀងបុណ្យណូអែលនឹងមិនត្រូវបានធ្វើឡើងទេ។ ផ្ទុយទៅវិញ ថវិកាទាំងអស់នឹងត្រូវបានប្រើប្រាស់សម្រាប់សមាគម និងអង្គការនានា ដើម្បីទៅសួរសុខទុក្ខ និងជួយអ្នកដែលរងផលប៉ះពាល់ដោយទឹកជំនន់”៕