លោក Yuri Ushakov បានសង្កត់ធ្ងន់ថា លោក Kirill Dmitriev នឹងនាំយកមកវិញនូវសញ្ញាដែលសហរដ្ឋអាមេរិកបានទទួលពីដៃគូអឺរ៉ុប និងពីអ៊ុយក្រែន។ រុស្ស៊ីនឹងពិភាក្សាលើព័ត៌មានទាំងអស់នេះ ហើយកំណត់ថា អ្វីដែលអាចទទួលយកបាន និងអ្វីដែលមិនអាចទទួលយកបាន។ លោក Yuri Ushakov បានឲ្យដឹងថា ទំនងជាសំណើភាគច្រើនដែលទាក់ទងនឹងផែនការសន្តិភាពនឹងមិនសមស្របសម្រាប់ភាគីរុស្ស៊ីទេ។ សំណើភាគច្រើនដែលដាក់ចេញក្នុងការចរចាជាមួយសហរដ្ឋអាមេរិក សុទ្ធតែមកពីភាគីអ៊ុយក្រែន និងអឺរ៉ុប ហើយយោងតាមការវាយតម្លៃរបស់តំណាងវិមានក្រឹមឡាំង សំណើទាំងនេះគឺ "មិនមានល្ខណៈស្ថាបនានោះឡើយ”។
ជំនួយការប្រធានាធិបតីរុស្ស៊ីក៏បានឲ្យដឹងថា រុស្ស៊ីនឹងនៅតែប្រកាន់ខ្ជាប់នូវគោលជំហររបស់ខ្លួនដែលបានពិភាក្សានៅរដ្ឋអាឡាស្កា សហរដ្ឋអាមេរិក កាលពីខែសីហាកន្លងទៅ និងនៅក្នុងកិច្ចប្រជុំផ្សេងទៀតជាមួយអាមេរិក៕
