(VOVWORLD) - នារសៀលថ្ងៃទី១៧ ខែមីនា នៅទីស្នាក់ការរដ្ឋាភិបាល អញ្ជើញជាអធិបតីក្នុងកិច្ចប្រជុំជាមួយក្រុមការងារ ធានាសន្តិសុខថាមពល ដោយពិភាក្សាអំពីដំណោះស្រាយធានាការផ្គត់ផ្គង់ថាមពល ស្ថិរភាពតម្លៃប្រេងឥន្ធនៈ លោកនាយករដ្ឋមន្ត្រី ហ្វាម មិញ ជីញបានស្នើឱ្យប្រកាន់ខ្ជាប់នូវបាវចនា ១៦ ពាក្យ៖ "យល់ច្បាស់ពីស្ថានភាព ឆ្លើយតបដោយបត់បែន ធ្វើសកម្មភាពទាន់ពេលវេលា លទ្ធផលច្បាស់លាស់" ដោយមានគោលដៅ មិនទុកឲ្យមានការខ្វះខាតថាមពលសម្រាប់ផលិតកម្ម អាជីវកម្ម និងការប្រើប្រាស់របស់ប្រជាជន; មិនទុកឲ្យមានការផ្តាច់ខ្សែសង្វាក់ផ្គត់ផ្គង់ផលិតប្រេងឥន្ធន:។
 ទិដ្ឋភាពនៃកិច្ចប្រជុំ (រូបថត៖ ឡាយហ្វា/VOV) |
លោកនាយករដ្ឋមន្ត្រីបានស្នើរថា៖ "ក្រសួងឧស្សាហកម្មនិងពាណិជ្ជកម្ម ព្រមទាំងក្រសួងនិងស្ថាប័នផ្សេងៗទៀត ត្រូវអនុវត្តន៍ការណែនាំរបស់គណៈកម្មាធិការអចិន្ត្រៃយ៍របស់រដ្ឋាភិបាល ធានាសន្តិសុខថាមពល មិនទុកឲ្យមានការខ្វះខាតប្រេងឥន្ធនៈក្នុងគ្រប់កាលៈទេសៈ។ បន្តដឹកនាំដំណោះស្រាយ ដើម្បីធានាការផ្គត់ផ្គង់ប្រេងឆៅនាំចូល។ EVN និងអង្គភាពពាក់ព័ន្ធ គួរតែរក្សាប្រតិបត្តិការប្រកបដោយសុវត្ថិភាព និងស្ថិរភាពនៃរោងចក្រចម្រាញ់ប្រេង បង្កើនប្រសិទ្ធភាពសមត្ថភាពកែច្នៃ និងធានាការផ្គត់ផ្គង់ប្រេងឥន្ធនៈសម្រាប់ផលិតកម្មក្នុងប្រទេស និងសម្រាប់ផលិតកម្មអាជីវកម្ម។ ក្រសួងហិរញ្ញវត្ថុ សម្របសម្រួលជាមួយក្រសួងឧស្សាហកម្មនិងពាណិជ្ជកម្ម ដើម្បីតាមដានយ៉ាងដិតដល់ តម្លៃប្រេងឥន្ធនៈប្រចាំថ្ងៃ ដោយដោះស្រាយយ៉ាងហ្មត់ចត់នូវការស្តុកទុក ការឡើងតម្លៃ ការរត់ពន្ធ និងការប្រែប្រួលតម្លៃដែលមិនត្រឹមត្រូវនឹងស្ថានភាពជាក់ស្តែង"។
លោកនាយករដ្ឋមន្ត្រីក៏បានស្នើឲ្យមានការរៀបចំផែនការឡើងវិញ និង សាងសង់ឃ្លាំងទុកបម្រុងប្រេងឥន្ធនៈ ជំរុញការសន្សំសំចៃថាមពល ថាមពលបៃតង និងការរៀបចំរចនាសម្ព័ន្ធឡើងវិញនៃការប្រើប្រាស់ធនធានស្របតាមនិន្នាការផ្លាស់ប្តូរឌីជីថល និងការផ្លាស់ប្តូរបៃតង។ លោកក៏បានស្នើឱ្យមានការរៀបចំសន្និសីទសារព័ត៌មាន រៀងរាល់ប្រាំថ្ងៃម្តង ដើម្បីផ្តល់ព័ត៌មានផ្លូវការ និងបរានុម័តដល់សាធារណជនអំពីការផ្គត់ផ្គង់ និងតម្លៃផលិតផលប្រេងឥន្ធនៈ៕
