(VOVWORLD) - រដ្ឋមន្ត្រីក្រសួងហិរញ្ញវត្ថុ លោក Nguyen Van Thang ថ្មីៗនេះ មានជំនួបធ្វើការជាមួយលោក Eduard Stiphout អនុប្រធានជាន់ខ្ពស់ទទួលបន្ទុកផ្គត់ផ្គង់យុទ្ធសាស្ត្រ និងលទ្ធកម្មរបស់ក្រុមហ៊ុន ASML គ្រុប (ប្រទេស ហូឡង់)។
 រដ្ឋមន្ត្រីក្រសួងហិរញ្ញវត្ថុ លោក ង្វៀន វ៉ាន់ ថាំង និងគណៈប្រតិភូ ASML គ្រុប (រូបថត៖ គេហទំព័រផ្លូវការរបស់ក្រសួងហិរញ្ញវត្ថុ) |
ក្នុងជំនួបធ្វើការ លោករដ្ឋមន្ត្រី ង្វៀន វ៉ាន់ ថាំង បានស្នើឱ្យក្រុមហ៊ុន ASML គ្រុបសហការជាមួយស្ថានទូតហូឡង់ មជ្ឈមណ្ឌលនវានុវត្តន៍ជាតិ (NIC) និងដៃគូផ្សេងទៀត ដើម្បីបង្កើតមជ្ឈមណ្ឌលបណ្តុះបណ្តាល ស្រាវជ្រាវ និងអភិវឌ្ឍន៍អំពីស៊ីមីកុងដុកទ័ររបស់ NIC មានមូលដ្ឋាន Hoa Lac។ រួមជាមួយគ្នានោះ ឧបត្ថម្ភដល់អាជីវកម្មវៀតណាមក្នុងការអភិវឌ្ឍរោងចក្រផលិតស៊ីមីកុងដុកទ័រដើមដំបូងនៅវៀតណាម។ ក្នុងពេលជាមួយគ្នានេះ អនុវត្តន៍សកម្មភាពបណ្តុះបណ្តាល ផ្លាស់ប្តូរអ្នកជំនាញ កម្មសិក្សា និងឧបត្ថម្ភអាហារូបករណ៍ក្នុងវិស័យស៊ីមីកុងដុកទ័រ។
ចំពោះខ្លួនវិញ លោក Eduard Stiphout បានថ្លែងថា ក្រុមហ៊ុន ASML គ្រុប កំពុងពង្រីកខ្សែសង្វាក់ផ្គត់ផ្គង់របស់ខ្លួននៅក្នុងប្រទេសវៀតណាម ដោយសហការលើការសាងសង់មជ្ឈមណ្ឌលបណ្តុះបណ្តាលស្រាវជ្រាវ និងអភិវឌ្ឍន៍ស៊ីមីកុងដុកទ័រ (R&D) នៅមជ្ឈមណ្ឌលនវានុវត្តន៍ជាតិ (NIC); វាយតម្លៃលទ្ធភាពនៃការផ្គត់ផ្គង់ឧបករណ៍ដល់អតិថិជនសក្តានុពលនៅវៀតណាម៕
