សភាអឺរ៉ុបអនុម័តលើ​សេចក្តីសម្រេចចិត្ត​ កំណត់អាយុ​សម្រាប់ការប្រើប្រាស់បណ្តាញសង្គម

ទិដ្ឋភាពទូទៅនៃសម័យប្រជុំសភាអឺរ៉ុបនៅទីក្រុង Strasbourg ប្រទេសបារាំង នៅថ្ងៃទី ២៦ ខែវិច្ឆិកា ឆ្នាំ ២០២៥។ ប្រភព៖ REUTERS

សេចក្តីសម្រេចចិត្តនេះ ស្នើឱ្យកំណត់អាយុឌីជីថលរួមរបស់អឺរ៉ុបគឺ ១៦ ឆ្នាំឡើងទៅ ជាកម្រិតស្តង់ដារសម្រាប់ប្រើប្រាស់បណ្តាញសង្គម។ កុមារអាយុក្រោម ១៦ ឆ្នាំត្រូវបានអនុញ្ញាតឱ្យប្រើប្រាស់ លុះត្រាតែមានការអនុញ្ញាតពីឪពុកម្តាយ ឬអាណាព្យាបាលប៉ុណ្ណោះ។ ទន្ទឹមនឹងនោះ សេចក្តីសម្រេចចិត្តក៏បានស្នើឱ្យមានដែនកំណត់អាយុ ១៣ ឆ្នាំ សម្រាប់ការចូលប្រើប្រាសើវេទិកាប្រព័ន្ធផ្សព្វផ្សាយសង្គម សេវាកម្មចែករំលែកវីដេអូ និង "ដៃគូបញ្ញាសិប្បនិម្មិត (AI)" តាមនោះ ការពារអនីតិជនអាយុក្រោម ១៣ ឆ្នាំពីការប្រើប្រាស់សេវាកម្មទាំងនេះ។

នៅក្នុងបរិបទដែលសាជីវកម្មធំៗដូចជា TikTok, Snapchat, Google ឬ Meta ប្រឈមមុខនឹងការបណ្តឹងជាបន្តបន្ទាប់នៅសហរដ្ឋអាមេរិកទាក់ទងនឹងវិបត្តិសុខភាពផ្លូវចិត្តក្នុងចំណោមយុវជន សេចក្តីសម្រេចចិត្តរបស់ EP ក៏បានអំពាវនាវឱ្យរឹតបន្តឹងក្បួនដោះស្រាយ ផ្តល់អនុសាសន៍ដោយផ្អែកលើអន្តរកម្មសម្រាប់អនីតិជន និងតម្រូវឱ្យមានការរចនាខ្លឹមសារសមស្របតាមអាយុ៕