សហគមន៍អន្តរជាតិជួយ​ឧបត្ថម្ភវៀតណាមជម្នះលើ​ផល​វិបាក់នៃ​គ្រោះធម្មជាតិ

កម្លាំងសមត្ថកិច្ចនៅខេត្ត Gia Lai បានបង្កើនធនធានមនុស្ស និងសម្ភារៈ ដោយផ្តោតលើការជម្លៀសប្រជាជន ដឹកជញ្ជូនស្បៀងអាហារនិងសម្ភារៈចាំបាច់ទៅកាន់ប្រជាជននៅតំបន់លិចទឹក។ រូបថត៖ Quang Thai/TTXVN

រដ្ឋាភិបាលកូរ៉េខាងត្បូង នាថ្ងៃទី ២១ ខែវិច្ឆិកា បានប្រកាសកញ្ចប់ជំនួយសង្គ្រោះបន្ទាន់ចំនួន ១ លានដុល្លារអាមេរិក។ កញ្ចប់ជំនួយនេះ គឺដើម្បីឧបត្ថម្ភដល់សកម្មភាពទប់ទល់ជាបន្ទាន់ បន្ទាប់ពីខ្យល់ព្យុះ ដែលត្រូវបានដាក់ពង្រាយតាមរយៈអង្គការអន្តរជាតិទេសន្តរប្រវេសន៍ (IOM) នៅវៀតណាម។ ជំនួយរបស់កូរ៉េខាងត្បូងផ្តោតលើការគាំទ្រដល់ប្រជាជនដែលត្រូវបានជម្លៀស និងសហគមន៍ដែលរងផលប៉ះពាល់ដោយព្យុះធ្ងន់ធ្ងរ ដែលបានបំផ្លិចបំផ្លាញនៅតំបន់ភាគខាងជើងចាប់តាំងពីចុងខែកញ្ញាមក។

នាថ្ងៃទី ២១ ខែវិច្ឆិកា ស្ថានទូតអង់គ្លេសបានឲ្យដឹងថា រដ្ឋាភិបាលចក្រភពអង់គ្លេសបានប្រកាសកញ្ចប់ជំនួយមនុស្សធម៌ចំនួន ៣០០.០០០ ផោន(៣៩២.០០០ ដុល្លារអាមេរិក) ដើម្បីឧបត្ថម្ភដល់ការជួយសង្គ្រោះមនុស្សធម៌នៅភាគកណ្តាលវៀតណាម ក្នុងអំឡុងពេលមានព្យុះនិងទឹកជំនន់នាពេលថ្មីៗនេះ។ កញ្ចប់ជំនួយនេះ រួមជាមួយនឹងជំនួយសង្គ្រោះបន្ទាន់ចំនួន ៥០០.០០០ ផោន (៦៥៣.០០០ ដុល្លារ) ដែលបានផ្តល់ក្នុងខែតុលា ដោយបង្កើនបរិមាណជំនួយសរុបរបស់អង់គ្លេសនៅឆ្នាំនេះ ឡើងដល់ ៨០០.០០០ ផោន (១,០៥ លានដុល្លារ)។ កញ្ចប់ជំនួយបន្ថែមនេះ នឹងត្រូវបានដាក់ពង្រាយតាមរយៈអង្គការ UNICEF សម្របសម្រួលយ៉ាងជិតស្និទ្ធជាមួយនាយកដ្ឋានគ្រប់គ្រងទំនប់ទឹក និងបង្ការ ទប់ទល់នឹងគ្រោះមហន្តរាយវៀតណាម (VDDMA)៕