យោងតាមលោក ដូណាល់ ត្រាំ អស់រយៈពេលជាច្រើនឆ្នាំមកហើយ អាមេរិកបានចំណាយថវិការាប់រយពាន់លានដុល្លារ ដើម្បីការពារប្រទេសទាំងនេះ ដោយមិនទទួលបានការគាំទ្រមកវិញយ៉ាងសមស្របនោះឡើយ។
គួរឲ្យកត់សម្គាល់ថា លោកប្រធានាធិបតី ដូណាល ត្រាំ បានប្រកាសថា សហរដ្ឋអាមេរិកសម្រេចបានជោគជ័យផ្នែកយោធាដ៏សំខាន់ក្នុងប្រទេសអ៊ីរ៉ង់ ហើយបានអះអាងថា សហរដ្ឋអាមេរិកមានសមត្ថភាពទាំងស្រុង ក្នុងការធ្វើសកម្មភាពដោយឯកតោភាគី ដើម្បីការពារផលប្រយោជន៍ជាតិរបស់ខ្លួន។
នៅក្នុងការវិវត្តន៍មួយផ្សេងទៀត លោក Joseph Kent នាយកមជ្ឈមណ្ឌលប្រឆាំងភេរវកម្មជាតិសហរដ្ឋអាមេរិក បានដាក់លិខិតលាលែងពីតំណែងជាផ្លូវការ នៅថ្ងៃទី១៧ ខែមីនា។ នៅក្នុងលិខិត លោក Kent បាននិយាយថា លោកមិនអាចបន្តគាំទ្រសង្គ្រាមនាបច្ចុប្បន្នទៀតហើយ លោកបានបញ្ជាក់ថា អ៊ីរ៉ង់មិនមែនជាការគំរាមកំហែងបន្ទាន់ដល់សហរដ្ឋអាមេរិកនោះទេ។ ជាពិសេស លោក Kent បានសម្តែងការគាំទ្រចំពោះគោលនយោបាយការបរទេសដែលលោកប្រធានាធិបតី ត្រាំ បានប្រកាសក្នុងយុទ្ធនាការឃោសនាការបោះឆ្នោតឆ្នាំ ២០១៦ ឆ្នាំ ២០២០ និងឆ្នាំ ២០២៤ ហើយបានសង្កត់ធ្ងន់ថា នៅក្នុងអាណត្តិដំបូងរបស់ខ្លួន លោកដូណាល ត្រាំ បានយល់ច្បាស់ពីហានិភ័យនៃសង្គ្រាមអូសបន្លាយនៅមជ្ឈិមបូព៌ា និងបានជៀសវាងស្ថានភាពជាប់គាំងយោធាទ្រង់ទ្រាយធំ៕
