 ក្រុមពន្លត់អគ្គីភ័យព្យាយាមពន្លត់ភ្លើងនៅ ប្លុកអាផាតមិន Wang Fuk Court ក្នុងខណ្ឌ Tai Po ទីក្រុងហុងកុង(ចិន) ថ្ងៃទី ២៦ ខែវិច្ឆិកា ឆ្នាំ ២០២៥។ រូបថត៖ REUTERS/Tyrone Siu |
យោងតាមព័ត៌មានពីទូរទស្សន៍មជ្ឈិមចិន គិតត្រឹមព្រឹកថ្ងៃទី ២៧ ខែវិច្ឆិកា យ៉ាងហោចណាស់មានមនុស្ស ៤៤ នាក់បានស្លាប់ រួមទាំងអ្នកពន្លត់អគ្គីភ័យម្នាក់ដែលកំពុងបំពេញភារកិច្ច មនុស្សរាប់រយនាក់បាត់ខ្លួន និងមនុស្ស ៥៨ នាក់ត្រូវបានបញ្ជូនទៅមន្ទីរពេទ្យ។ ប្លុកអាផាតមិននេះ មានអគារចំនួន ៨ ដែលមានផ្ទះអាផាតមិនជិត ២០០០។
ចំពោះមុខភាពធ្ងន់ធ្ងរនៃគ្រោះអគ្គីភ័យ ប្រធានរដ្ឋចិន លោក ស៊ី ជីនពីង បានស្នើឱ្យអាជ្ញាធរមូលដ្ឋានខិតខំប្រឹងប្រែងជួយសង្គ្រោះយ៉ាងទូលំទូលាយ ដើម្បីកាត់បន្ថយការខូចខាត។
ក្នុងពេលនោះ នៅព្រឹកព្រលឹមថ្ងៃទី ២៧ ខែវិច្ឆិកា នាយកសន្តិសុខតំបន់រដ្ឋបាលពិសេសហុងកុង លោក Tang Ping-keung បានឲ្យដឹងថា ដោយផ្អែកលើលទ្ធផលស៊ើបអង្កេតបឋមនៅកន្លែងកើតហេតុ មិនអាចច្រានចោលលទ្ធភាពថា នេះជាបទព្រហ្មទណ្ឌ ហើយឧប្បតិហេតុនេះត្រូវបានផ្ទេរទៅឱ្យកម្លាំងប៉ូលីសហុងកុងសម្រាប់ការស៊ើបអង្កេតបន្ថែមទៀត៕
