អគ្គលេខាបក្ស ប្រធានរដ្ឋឡាវលោក ថងលូន ស៊ីស៊ូលីត អញ្ជើញជាអធិបតីក្នុងពិធីទទួលស្វាគមន៍ដ៏ឧឡារិកអគ្គលេខាបក្ស លោក តូ ឡឹម

លោកអគ្គលេខាបក្ស ប្រធានរដ្ឋឡាវ ថងលូន ស៊ីស៊ូលីត  អញ្ជើញជាអធិបតីក្នុងពិធីទទួលស្វាគមន៍អគ្គលេខាបក្ស លោក តូ ឡឹម និងគណៈប្រតិភូជាន់ខ្ពស់វៀតណាម (រូបថត៖ VOV)

ពិធីទទួលស្វាគមន៍ជាផ្លូវការសម្រាប់អគ្គលេខាបក្ស លោកតូ ឡឹម និងគណៈប្រតិភូជាន់ខ្ពស់វៀតណាម ត្រូវបានធ្វើឡើងយ៉ាងឧឡារិកនៅវិមានប្រធានរដ្ឋ ស្របតាមពិធីសារខ្ពស់បំផុតសម្រាប់ប្រមុខរដ្ឋ។ អគ្គលេខាបក្ស ប្រធានរដ្ឋឡាវ លោក ថងលូន ស៊ីស៊ូលីត បានអញ្ជើញជាអធិបតីក្នុងពិធីទទួលស្វាគមន៍។

នៅម៉ោង ៩:០០ ព្រឹក (ម៉ោងក្នុងស្រុក) ក្បួនរថយន្តដឹកអគ្គលេខាបក្ស លោក តូ ឡឹមបានមកដល់វិមានប្រធានរដ្ឋ។ អគ្គលេខាបក្ស ប្រធានរដ្ឋឡាវ លោក ថងលូន ស៊ីស៊ូលីត បានទទួលស្វាគមន៍លោកយ៉ាងកក់ក្តៅនៅមាត់ទ្វាររថយន្ត ហើយបានអញ្ជើញលោកអគ្គលេខាបក្ស តូ ឡឹមឡើងលើវេទិកាកិត្តិយស។ ក្រុមតន្រ្តីយោធាបានលេងភ្លេងជាតិវៀតណាមនិងឡាវ។

អគ្គលេខាបក្ស ប្រធានរដ្ឋឡាវ លោក ថងលូន ស៊ីស៊ូលីត បានអញ្ជើញលោក អគ្គលេខាបក្ស តូ ឡឹម ត្រួតកងពលកិត្តិយស ហើយថ្នាក់ដឹកនាំទាំងពីរបានណែនាំកម្មាភិបាលមកពីភាគីទាំងពីរដែលមានវត្តមាននៅក្នុងពិធីទទួលស្វាគមន៍៕