(VOVWORLD) - នាយប់ថ្ងៃទី១៦ ខែកុម្ភៈ (ពោលគឺថ្ងៃទី ២៩ ខែកត្តិកតាមច័ន្ទគតិ ឆ្នាំម្សាញ់) មុនពេលវេលាដ៏ពិសិដ្ឋនៃការផ្លាស់ប្តូររវាងឆ្នាំចាស់និងឆ្នាំថ្មី អគ្គលេខាបក្ស លោក តូ ឡឹម បានអញ្ជើញទៅសួរសុខទុក្ខនិងជូនពរឆ្នាំថ្មីដល់គណៈកម្មាធិការបក្ស អាជ្ញាធរ និងប្រជាជនហាណូយ។
 អគ្គលេខាបក្ស លោកតូ ឡឹម អញ្ជើញទស្សនាវិមានស្តេច លី ថៃ តូ (រូបថត៖ វ៉ាន់ ហ៊ីវ/VOV) |
អញ្ជើញជូនពរចំពោះរាល់សមិទ្ធផលដែលរដ្ឋធានីសម្រេចបានក្នុងឆ្នាំកន្លងមក លោកអគ្គលេខាបក្សបានសង្កត់ធ្ងន់ថា ក្នុងដំណាក់កាលថ្មី ទីក្រុងហាណូយត្រូវតែជាអ្នកត្រួសត្រាយផ្លូវក្នុងការច្នៃប្រឌិត។ រាល់សកម្មភាពដែលទីក្រុងហាណូយធ្វើ រាល់គំរូដែលទីក្រុងហាណូយអនុវត្ត ត្រូវតែនាំមុខ និងផ្សព្វផ្សាយសន្ទុះសម្រាប់តំបន់ទាំងមូល និងប្រទេសទាំងមូល។
 អគ្គលេខាបក្ស លោកតូ ឡឹម អញ្ជើញថ្លែងសុន្ទរកថាជូនពរឆ្នាំថ្មីដល់គណៈកម្មាធិការបក្ស អាជ្ញាធរ និងប្រជាជនហាណូយ (រូបថត៖ វ៉ាន់ ហ៊ីវ/VOV) |
“ទីក្រុងហាណូយត្រូវបន្តសុក្រិតរបៀបរបប ជំរុញវិទ្យាសាស្ត្រ បច្ចេកវិទ្យា ការច្នៃប្រឌិត ការផ្លាស់ប្តូរឌីជីថល និងដោះស្រាយបញ្ហាកកស្ទះដោយម៉ឺងម៉ាត់; កសាងគំរូកំណើនថ្មីដោយផ្អែកលើចំណេះដឹងវិទ្យាសាស្ត្រ បច្ចេកវិទ្យា ការច្នៃប្រឌិត ការផ្លាស់ប្តូរឌីជីថល និងធនធានមនុស្សដែលមានគុណភាពខ្ពស់។ គណៈកម្មាធិការមជ្ឈិមនៃការិយាល័យនយោបាយតែងតែរួមដំណើរជាមួយរដ្ឋធានី”។ នេះបើយោងតាមប្រសាសន៍របស់អគ្គលេខាបក្ស លោក តូ ឡឹម។
មុននេះ អគ្គលេខាបក្ស លោក តូ ឡឹម បានអញ្ជើញអុជធូបនៅវិមានស្តេចលីថាយតូ; បានទៅសួរសុខទុក្ខ និងជូនពរឆ្នាំថ្មីដល់ប្រជាជននៃរដ្ឋធានីដែលប្រារព្ធពិធីចូលឆ្នាំថ្មីនៅសួនផ្កាលីថាយតូ ក្នុងកណ្តាលទីក្រុង៕
