អង្គការសហប្រជាជាតិប្រឆាំងនឹងការបំផ្លាញទីស្នាក់ការកណ្តាល UNRWA នៅទី​ក្រុងយេរូសាឡឹមខាងកើត​

យោងតាមប្រភពព័ត៌មានមួយចំនួន កងកម្លាំងអ៊ីស្រាអែលបានប្រើប្រាស់ម៉ាស៊ីនឈូសដី និងឧបករណ៍ធុនធ្ងន់ដើម្បីបំផ្លាញទីស្នាក់ការកណ្តាល UNRWA នៅទីក្រុងយេរូសាឡឹមខាងកើត និងរចនាសម្ព័ន្ធខាងក្នុង។ នៅក្នុងសេចក្តីប្រកាសមួយ ក្រសួងការបរទេសអ៊ីស្រាអែលបានឲ្យដឹងថា UNRWA បានបញ្ឈប់ប្រតិបត្តិការទាំងអស់នៅទីតាំងនេះ ហើយលែងមានបុគ្គលិក ឬសកម្មភាពណាមួយរបស់អង្គការសហប្រជាជាតិ នៅក្នុងបរិវេណនោះទៀតហើយ។

ការរុះរើទីស្នាក់ការកណ្តាល UNRWA បានកើតឡើងក្នុងបរិបទដែលអ៊ីស្រាអែលបានដាក់សម្ពាធអស់រយៈពេលជាច្រើនឆ្នាំលើទីភ្នាក់ងារនេះ ដោយចោទប្រកាន់ថា ទីភ្នាក់ងារនេះបានសហការជាមួយក្រុមហាម៉ាសនៅក្នុងតំបន់ហ្គាហ្សា និងជាប់ពាក់ព័ន្ធនឹងការវាយប្រហារលើអ៊ីស្រាអែលនៅថ្ងៃទី ៧ ខែតុលា ឆ្នាំ ២០២៣។ កាលពីមួយខែមុន អាជ្ញាធរអ៊ីស្រាអែលបានឆ្មក់ចូលបរិវេណអគារនេះ និងរឹបអូសទ្រព្យសម្បត្តិមួយចំនួន ដោយលើកហេតុផលថាមានការរំលោភបំពានលើពន្ធទីក្រុង។ យ៉ាងណាក៏ដោយ អ.ស.ប បានច្រានចោលការចោទប្រកាន់នេះ ដោយអះអាងថា បរិវេណអគារនៅហ្សេរុយសាឡឹមខាងកើត “នៅតែជាមូលដ្ឋានរបស់អង្គការសហប្រជាជាតិ ដែលមិនអាចរំលោភបំពានបាន និងទទួលបានអភ័យឯកសិទ្ធិចំពោះគ្រប់ទម្រង់នៃការជ្រៀតជ្រែក”៕