(VOVWORLD) - នាថ្ងៃទី ២៨ ខែមីនា សម័យប្រជុំលើកទីមួយនៃក្រុមប្រឹក្សាប្រជាជនក្រុងហាណូយលើកទី ១៧ បានអនុម័តផែនការមេរដ្ឋធានីដែលមានចក្ខុវិស័យ ១០០ ឆ្នាំ។
 ទិដ្ឋភាពនៃកិច្ចប្រជុំ (រូបថត៖ VOV) |
ផែនការនេះត្រូវបានបង្កើតឡើងជាបួនដំណាក់កាល៖ ដំណាក់កាលរយៈពេលខ្លីដល់ឆ្នាំ ២០៣៥ រយៈពេលមធ្យមដល់ឆ្នាំ ២០៤៥ រយៈពេលវែងដល់ឆ្នាំ ២០៦៥ និងចក្ខុវិស័យយុទ្ធសាស្ត្រ ១០០ ឆ្នាំ។ គោលដៅគឺថា នៅឆ្នាំ ២០៣៥ ទីក្រុងហាណូយនឹងក្លាយជាទីក្រុង “វប្បធម៌ - អរិយធម៌ - ទំនើប - សុភមង្គល” ដែលជាមជ្ឈមណ្ឌលសេដ្ឋកិច្ច អប់រំ វេជ្ជសាស្ត្រ និងនវានុវត្តន៍ឈានមុខគេនៅក្នុងតំបន់អាស៊ី-ប៉ាស៊ីហ្វិក។ នៅឆ្នាំ ២០៤៥ រដ្ឋធានីនេះនឹងក្លាយជាមជ្ឈមណ្ឌលនៃចំណេះដឹង និងបច្ចេកវិទ្យាសកល ស្មើនឹងរដ្ឋធានីនៃប្រទេសអភិវឌ្ឍន៍។ ហើយនៅឆ្នាំ ២០៦៥ ជាមួយនឹងចក្ខុវិស័យបន្ទាប់នោះ ឆ្ពោះទៅក្លាយជាទីក្រុងសកលដែលមានគុណភាពជីវភាពរស់នៅខ្ពស់។ ផែន ការនេះបានបង្កើតរចនាសម្ព័ន្ធលំហទីក្រុង ដោយផ្អែកលើគំរូចង្កោមទីក្រុងពហុស្រទាប់ ពហុប៉ូល និងពហុចំណុចកណ្តាល ដោយមានទន្លេក្រហមជាអ័ក្សទេសភាពសំខាន់ ដែលមានប៉ូលកំណើនចំនួន ៩ និងមជ្ឈមណ្ឌលសំខាន់ៗចំនួន ៩។
 ប្រតិភូចុចប៊ូតុងដើម្បីអនុម័តផែនការ (រូបថត៖ VOV) |
បន្ទាប់ពីការអនុម័ត ផែនការនេះនឹងត្រូវបានកែលម្អបន្ថែមទៀតដោយផ្អែកលើការដាក់បញ្ចូលពេញលេញនៃមតិកែលម្អមុនពេលដាក់ស្នើសម្រាប់ការអនុម័ត និងប្រកាសតាមបទប្បញ្ញត្តិ៕
