 នាយករដ្ឋមន្ត្រីវៀតណាមលោក ហ្វាម មិញជីញ ដឹកនាំកិច្ចប្រជុំគណៈកម្មាធិការអចិន្ត្រៃយ៍រដ្ឋាភិបាល។ (រូបថត៖ VOV) |
នាថ្ងៃទី១៦ ខែមីនា នៅទីក្រុងហាណូយ នាយករដ្ឋមន្ត្រីវៀតណាមលោក ហ្វាម មិញជីញ បានដឹកនាំកិច្ចប្រជុំគណៈកម្មាធិការអចិន្ត្រៃយ៍រដ្ឋាភិបាល អំពីខ្លឹមសារសំខាន់ៗមួយចំនួន ដើម្បីអនុវត្តន៍គោលដៅកំណើនសេដ្ឋកិច្ចលើសពី ១០% ការធានាស្ថិរភាពម៉ាក្រូសេដ្ឋកិច្ច ការគ្រប់គ្រងអតិផរណា និងការធានាតុល្យភាពសេដ្ឋកិច្ចសំខាន់ៗ ក្នុងបរិបទដែលស្ថានភាពមានការលំបាក និងបញ្ហាប្រឈមជាច្រើន។ គណៈកម្មាធិការអចិន្ត្រៃយ៍រដ្ឋាភិបាល បានផ្ដល់យោបល់លើបញ្ហាមួយចំនួន ដើម្បីបន្តដោះស្រាយការលំបាក ឧបសគ្គ គម្រោងដែលជាប់គាំង; ដោះសោរ កៀរគរ និងប្រើប្រាស់ធនធានប្រកបដោយប្រសិទ្ធភាព; ជំរុញកម្លាំងចលករនៃការអភិវឌ្ឍ ដែលរួមចំណែកដល់ការអភិវឌ្ឍយ៉ាងឆាប់រហ័ស និងប្រកបដោយចីរភាព។
ទាក់ទងនឹងស្ថានភាពនិងលទ្ធផលធ្វើចំណាត់ការលើគម្រោងនិងសហគ្រាសដែលមានវឌ្ឍនភាពយឺតយ៉ាវ និងប្រសិទ្ធភាពតិចតួច នៅក្នុងវិស័យឧស្សាហកម្មនិងពាណិជ្ជកម្ម លោកនាយករដ្ឋមន្ត្រី បានចាត់ចែងភារកិច្ច ដំណោះស្រាយ និងកាលកំណត់ជាក់លាក់ទៅឲ្យក្រសួង ស្ថាប័ន និងសហគ្រាសពាក់ព័ន្ធនីមួយៗ៕
