អាមេរិកឆ្ពោះទៅរកការលុបចោល​ឯកសារសុំសិទ្ធិជ្រកកោនរាប់ពាន់

ប្រសិនបើឯកសារសុំសិទ្ធិជ្រកកោនរបស់ពួកគេត្រូវបានបដិសេធ បុគ្គលទាំងនេះអាចនឹងត្រូវបាននិរទេសទៅកាន់ប្រទេសផ្សេងទៀត ក្រៅពីស្រុកកំណើតរបស់ពួកគេ។

យោងតាមគោលនយោបាយថ្មីមួយរបស់រដ្ឋាភិបាលសហរដ្ឋអាមេរិក មេធាវីនៃទីភ្នាក់ងារអនុវត្តច្បាប់អន្តោប្រវេសន៍ និងគយរបស់សហរដ្ឋអាមេរិក (ICE) បានស្នើឱ្យចៅក្រមនៅក្នុងតុលាការអន្តោប្រវេសន៍ បដិសេធពាក្យសុំសិទ្ធិជ្រកកោនដោយមិនចាំបាច់ពិនិត្យខ្លឹមសារ ហើយបញ្ជាឱ្យនិរទេសអ្នកស្វែងរកសិទ្ធិជ្រកកោនទៅកាន់ប្រទេសដូចជា ហ្គាតេម៉ាឡា ហុងឌូរ៉ាស អេក្វាឌ័រ និងអ៊ូហ្គង់ដា។

បច្ចុប្បន្ន សេតវិមាន ក្រសួងសន្តិសុខជាតិ និង ICE មិនទាន់ធ្វើអត្ថាធិប្បាយលើព័ត៌មាននេះទេ។ ទោះជាយ៉ាងណាក៏ដោយ កាយវិការនាពេលថ្មីៗនេះបានបង្ហាញថា រដ្ឋបាលរបស់លោក Trump កំពុងរៀបចំយុទ្ធនាការរឹតបន្តឹងការអន្តោប្រវេសន៍បន្ថែមទៀតនៅឆ្នាំ ២០២៦ ហើយនឹងផ្តល់ថវិកាចំនួន ១៧០  ពាន់លានដុល្លារបន្ថែមទៀតដល់ ICE និងកងកម្លាំងយាមល្បាតព្រំដែនរហូតដល់ខែកញ្ញា ឆ្នាំ ២០២៩ ដើម្បីអនុវត្តយុទ្ធនាការនេះ៕