 |
| eurozone អនុម័ត្តលើកញ្ចប់ជំនួយទី២ដល់ក្រិក( រូបថត៖Internet) |
ថ្ងៃទី១២មិនា រដ្ឋមន្រ្តីហិរញ្ញវត្ថុ Eurozone បានអនុម័ត្តជាលើកចុងក្រោយលើ កញ្ចប់
ជំនួយទី២ ចំនួន ១៣០ ពាន់លានអឺរ៉ូសំរាប់ក្រិក។នេះជាលទ្ធផលនៃការចរចារ អស់រយះ
ជាច្រើនថ្ងៃរវាងរដ្ឋាភិបាលក្រិកជាមួយម្ចាស់បំណុលដែលតាមនោះអាថែននឹងបានលុប
បំណុលចំនួនជិត១០០ ពាន់លានអឺរ៉ូ ក្នុងខ្ទង់ប្រាក់បំណុលប្រមាណ ៣៥០ ពាន់លានអឺរ៉ូ។ ថ្លែងមតិនៅក្នុងសន្និសិទកាសែតនៅ ទីក្រុងព្រុចសែលរបស់ បែលហ្សីច ប្រធានក្រុម
ប្រទេសចាយប្រាក់អឺរ៉ូ Claude Juncker បានឲ្យដឹងថា៖ កញ្ចប់ជំនួយទី២នេះ គឺជាខ្ទង់ប្រាក់
រួមវិភាគទានរបស់បណ្តាប្រទេស Eurozone នឹងមូលនិធិរូបីយវត្ថុអន្តរជាតិ( IMF)។ការ
រំសាយប្រាក់នឹងអូសបន្លាយពីឆ្នាំ២0១២ដល់ឆ្នាំ២០១៤ ចំណុះទៅលើ ប្រសិទ្ធភាពនៃ
កម្មវិធីរិតត្បិតខ្លាំងរបស់ក្រិក។ ក្នុងថ្ងៃដ៏ដែលអគ្គនាយិការ IMF Christine Lagarde
ប្រកាសថា៖ IMF នឹងផ្តល់ ប្រាក់ចំនួន២៨ ពាន់លានអឺរ៉ូដើម្បីជួយសង្គ្រោះសេដ្ឋកិច្ចក្រិក នឹងជួយឧបត្ថម្ភកម្មវិធី សេដ្ឋកិច្ចប្រទេសនេះក្នុងរយះពេល៤ឆ្នាំខាងមុខទៀត។បណ្តា
ប្រទេសអឺរ៉ុបនឹងប្រធានEurozone បានអបអរសារទរយ៉ាងខ្លាំងចំពោះការផ្តើមគំនិតនេះ
របស់ IMF ដោយ ចាត់ទុកនេះជាសេចក្តីសំរេចដ៏ត្រឹមត្រូវ១៕
