លាក់ខ្លួននៅក្នុងវិថីតូចមួយឈ្មោះ Hội Vũ (ហាណូយ) ផ្ទះបុរាណមាន អាយុកាលជាង ១០០ ឆ្នាំមួយ ត្រូវបានកែលម្អទៅជាកន្លែងថតរូបពោរពេញដោយលក្ខណៈប្រពៃណី។
បើកឲ្យដំណើរការតាំងពីដើមខែឧសភា ឆ្នាំ ២០២៥ Hanoism – ហាងថតរូបយកភ្លាម (photo booth) – បានក្លាយជាកន្លែងណាត់ជួបថ្មីសម្រាប់ប្រជាជនរដ្ឋ ធានី ជាពិសេសយុវជន។
ចាប់ពីសម្ភារៈតុបតែងលម្អ រហូតដល់សម្លៀកបំពាក់ ទាំងអស់សុទ្ធតែពោរពេញដោយលក្ខណៈបុរមបុរាណ។
ឈុតសម្លៀកបំពាក់ប្រពៃណីវៀតណាម រួមជាមួយនឹងគ្រឿងអលង្កាដូចជា កន្សែងបត់ (Khan xep) មួកដួន(Non la)… ត្រូវបានរៀបចំយ៉ាងល្អិតល្អន់។
ចំណុចពិសេសមួយនៅ Hanoism គឺរៀងរាល់ ១៥ ថ្ងៃម្ដង សម្លៀកបំពាក់នឹងត្រូវបានផ្លាស់ប្តូរម៉ូដម្ដង បង្កើតបទពិសោធន៍ថ្មីថ្មោងសម្រាប់អតិថិជន។
ភ្ញៀវទេសចរចូលចិត្តពាក់ឈុតសម្លៀកបំពាក់ប្រពៃណី ដោយបង្ហាញឡើងវិញនូវភាពស្រស់ស្អាតនៃវប្បធម៌វៀតណាមសម័យបុរាណ។
មិនចាំបាច់មានម៉ាស៊ីនថតរូបថ្លៃៗ ឬជំនាញថតរូបអាជីពនោះទេ គ្រាន់តែដើរចូលទៅក្នុងបន្ទប់ថតរូប សម្រាកចិត្ត និងញញឹមស្រស់ៗ។
អ្វីៗទាំងអស់នឹងត្រូវបានថតទុកតាមរយៈរូបភាពបង្កប់ដោយពណ៌អនុស្សាវរីយ៍។
ចែករំលែកអំពីគំនិតក្នុងការបង្កើតហាងថតរូបនេះ កញ្ញា Nguyen Thi Thuy Vy កើតឆ្នាំ ១៩៩៧ បានឱ្យដឹងថា នាងចង់រួមបញ្ចូលវប្បធម៌វៀតណាមជាមួយនិន្នាការចូលចិត្តថតរូបរបស់យុវវ័យ ដើម្បីឱ្យពួកគេអាចបំពេញចំណង់ចំណូលចិត្តក្នុងការថតរូប ព្រមទាំងមានឱកាសទទួលអារម្មណ៍នៃការរួមបញ្ចូលគ្នារវាងភាពទំនើប និងលក្ខណៈប្រពៃណីនៅ Hanoism។
បន្ទប់ថតរូបដ៏ស្អាតប្រណិត ពន្លឺកក់ក្ដៅ – ទាំងអស់នេះបានបង្កើតបទពិសោធន៍ថ្មីថ្មោងផង និងពោរពេញដោយអនុស្សាវរីយ៍ផង។
បន្ទប់ថតរូបនីមួយៗមានរចនាបថ និងពណ៌រូបភាពខុសៗគ្នា។ បន្ទប់ទាំងអស់ត្រូវបានដាក់ឈ្មោះតាមវិថីបុរាណនៃទីក្រុងហាណូយ។ (នៅក្នុងរូបភាព៖ បន្ទប់ Hang Đao រំលឹកដល់បន្ទប់ច្រៀង ả đào ក្នុងសម័យបុរាណ ជាមួយឧបករណ៍តន្ត្រីដូចជា ចាបី Tranh កន្ទេលក្រហម សន្លឹកបៀរចិន និងប៉ាន់តែ)។
មិនត្រឹមតែទាក់ទាញភ្ញៀវវៀតណាមប៉ុណ្ណោះទេ ទីនេះក៏បានទាក់ទាញភ្ញៀវទេសចរអន្តរជាតិជាច្រើនឱ្យមកទទួលបទពិសោធន៍ផងដែរ។ រូបភាព៖Hanoism
ស្នាមញញឹមដ៏ស្រស់ភ្លី ដោយបានស្លៀកពាក់ឈុតសម្លៀកបំពាក់ប្រពៃណីវៀតណាម។ រូបភាព៖ Hanoism
រាល់ពេលវេលាដ៏គួរឱ្យចាប់អារម្មណ៍នៅ Hanoism បានធ្វើឱ្យភ្ញៀវទេសចរ "លង់ស្នេហ៍ជាមួយហាណូយតាំងពីក្រសែភ្នែកដំបូង"។
ការរួមបញ្ចូលគ្នារវាងសម្លៀកបំពាក់ប្រពៃណីវៀតណាម និងនិន្នាការថតរូបយកភ្លាម មិនត្រឹមតែធ្វើឱ្យរស់ឡើងវិញនូវសម្រស់ប្រពៃណីប៉ុណ្ណោះទេ ថែមទាំងបើកទិសដៅថ្មីក្នុងការថែរក្សា និងផ្សព្វផ្សាយវប្បធម៌វៀតណាមតាមរយៈការច្នៃប្រឌិតរបស់យុវវ័យជំនាន់ថ្មីទៀតផង៕
