(EU ចង់រក្សាក្រិកជាសមាជិកEurozone(រូបថត៖Internet) VOV- ថ្នាក់ដឹកនាំបណ្តាប្រទេស​ដែលចូលរួមសន្និសីទកំពូលសហភាពអឺរ៉ុប  (EU)​ក្រៅផ្លូវការ​ដែលបានបញ្ចប់នៅ​​ព្រុចសែល​របស់បែលហ្សីច​នាថ្ងៃទី​២៣​ ឧសភា បានសន្យាថា៖នឹងរក្សាក្រិកជាសមាជិកតំបន់ចាយប្រាក់អឺរ៉ូ។សេចក្តី ជូនដំណឹងរបស់ប្រធានអចិន្រ្តៃយ៏EU​ Herman Van Rompuy  បានឲ្យដឹងថា៖ អង្គសន្និសីទទាំងមូលបានពិភាក្សាអំពីការប្រែប្រួលក្នុងតំបន់ចាយប្រាក់អឺរ៉ូនា ពេលថ្មីៗនេះ​​ ហើយអះអាងជាថ្មីម្តងទៀតនូវកិច្ចសន្យាធានាស្ថិរភាព នឹងការ ចងសម្ព័ន្ធខាងហិរញ្ញវត្ថុក្នុងតំបន់នេះ។​ក្នុងពេលនោះនៅខាងក្រៅសន្និសីទ​ថ្នាក់ដឹកនាំបណ្តាប្រទេសជាសមាជិក​ EU​​ត្រូវបានក្រុមអ្នកជំនាញជាជំនួយការ បណ្តារដ្ឋមន្រ្តីហិរញ្ញវត្ថុតំបន់ចាយប្រាក់អឺរ៉ូ(EWK)​ព្រមានថា៖ត្រូវកសាងផែនការ ជាបន្ទាន់​ដើម្បីទប់ទល់នឹង​ករណីក្រិកសូមដើរចេញពីតំបន់ចាយប្រាក់អឺរ៉ូ៕