Tổng thống Đại Hàn Dân Quốc Lee Jae Myung. Ảnh: TTXVN សា ប្រធានាធិបតីកូរ៉េខាងត្បូងលោក លី ជេម្យុង (Lee Jae Myung)។ (រូបថត៖ TTXVN) ដំណើរទស្សនកិច្ចរបស់លោកប្រធានាធិបតី លី ជេម្យុង មកកាន់ប្រទេសវៀតណាម ចាប់ពីថ្ងៃទី ២១ ដល់ថ្ងៃទី ២៤ ខែមេសា គឺជាការបន្តនៃដំណើរទស្សនកិច្ចផ្លូវរដ្ឋរបស់លោកអគ្គលេខាបក្ស តូ ឡឹម ទៅកាន់ប្រទេសកូរ៉េខាងត្បូង កាលពីខែសីហា ឆ្នាំ ២០២៥។ ដោយចែករំលែកមុនពេលដំណើរទស្សនកិច្ចនេះ លោក ឆយ យ៉ុងសាំ (Choi Youngsam) ឯកអគ្គរដ្ឋទូតកូរ៉េខាងត្បូងប្រចាំប្រទេសវៀតណាម ជឿជាក់ថា ដំណើរទស្សនកិច្ចរបស់លោកប្រធានាធិបតី លី ជេម្យុង មកកាន់វៀតណាម នឹងក្លាយជាព្រឹត្តិការណ៍ដ៏ពិសេសនិងមានអត្ថន័យសំខាន់ក្នុងប្រវត្តិសាស្ត្រ ៣៤ ឆ្នាំនៃទំនាក់ទំនងការទូតរវាងប្រទេសទាំងពីរ (១៩៩២-២០២៦) និងជាចំណុចចាប់ផ្តើមសម្រាប់ជំហានលោតផ្លោះយុទ្ធសាស្ត្រ សំដៅលើកកម្ពស់ទំនាក់ទំនងទ្វេភាគីដល់កម្រិតខ្ពស់ជាងមុនផងដែរ។ កូរ៉េខាងត្បូងមានបំណងចង់ក្លាយជាដៃគូដ៏រឹងមាំបំផុតដែលរួមដំណើរក្នុងការផ្លាស់ប្តូរឌីជីថល និងកំណើនបៃតងរបស់វៀតណាម។ គម្រោងហេដ្ឋារចនាសម្ព័ន្ធទ្រង់ទ្រាយធំកំពុងត្រូវបានពិភាក្សាយ៉ាងទូលំទូលាយ រួមទាំងការអភិវឌ្ឍបណ្តាញផ្លូវដែកល្បឿនលឿន ការសាងសង់ទីក្រុងឆ្លាតវៃ គម្រោងថាមពលកកើតឡើងវិញ និងឧស្ម័នធម្មជាតិរាវ (LNG) ដើម្បីឆ្លើយតបនឹងបម្រែបម្រួលអាកាសធាតុ។ ល។ ក្នុងពេលជាមួយគ្នានោះ សាស្ត្រាចារ្យ Choe Won Gi នាយកមជ្ឈមណ្ឌលស្រាវជ្រាវអាស៊ាន-ឥណ្ឌា នៃបណ្ឌិតសភាការទូតកូរ៉េខាងត្បូង (KNDA) បានសង្កត់ធ្ងន់ថា វៀតណាមគឺជាដៃគូគន្លឹះនៅក្នុងគោលនយោបាយកិច្ចការបរទេសរបស់កូរ៉េខាងត្បូងចំពោះអាស៊ីអាគ្នេយ៍។ ជាមួយនឹងក្របខ័ណ្ឌកិច្ចសហប្រតិបត្តិការយុទ្ធសាស្ត្រគ្រប់ជ្រុងជ្រោយ ដំណើរទស្សនកិច្ចផ្លូវរដ្ឋរបស់លោកប្រធានាធិបតី លី ជេម្យុង មកកាន់ប្រទេសវៀតណាម នឹងបើកដំណាក់កាលអភិវឌ្ឍន៍ថ្មី ជាមួយនឹងទិសដៅយុទ្ធសាស្ត្ររយៈពេលវែងក្នុងទំនាក់ទំនងរវាងប្រទេសទាំងពីរ៕