មុននោះ នៅក្នុងអត្ថបទមួយនៅលើបណ្តាញសង្គម លោក ប្រធានាធិបតី ដូណាល ត្រាំ ក៏បានជូនដំណឹងអំពីកិច្ចប្រជុំនេះ ដោយបញ្ជាក់សារជាថ្មីនូវការទាមទារកាលពីមុនថា អ៊ីរ៉ង់យល់ព្រមមិនអភិវឌ្ឍអាវុធនុយក្លេអ៊ែរ និងបើកផ្លូវដឹកជញ្ជូនដ៏សំខាន់ឆ្លងកាត់ច្រកសមុទ្រហ័រមូសឡើងវិញ។ លោក ដូណាល ត្រាំ ក៏បានសរសេរថា ទីក្រុងតេអេរ៉ង់នឹងត្រូវការសម្អាតមីននៅក្នុងច្រកសមុទ្រហ័រមូស ហើយមិនគិតថ្លៃសម្រាប់ការឆ្លងកាត់ទេ ជាថ្នូរនឹងការដកបទហ៊ុំព័ទ្ធរបស់អាមេរិកលើកំពង់ផែអ៊ីរ៉ង់។
អ្នកនាំពាក្យក្រសួងការបរទេសអ៊ីរ៉ង់លោក Esmaeil Baqaei បានបដិសេធលក្ខខណ្ឌទាំងនេះ ដោយបញ្ជាក់ថា ភាគីទាំងពីរកំពុងបន្តការពិភាក្សា ប៉ុន្តែមិនទាន់ឈានដល់កិច្ចព្រមព្រៀងចុងក្រោយឡើយ។ ទាក់ទងនឹងលទ្ធភាពនៃការបើកច្រកសមុទ្រហ័រមូសឡើងវិញ លោក Baghaei បានសង្កត់ធ្ងន់ថា ការគ្រប់គ្រងច្រកសមុទ្រនាពេលអនាគត «ទាក់ទងនឹងអ៊ីរ៉ង់ និងអូម៉ង់តែប៉ុណ្ណោះ»៕
