ឧត្ដមសេនីយ៍ឯក យឹម លាង អគ្គស្នងការរងនគរបាលជាតិ ទទួលដឹកនាំនាយកដ្ឋានអង្គរក្ស បានឱ្យដឹងថា កម្លាំងនេះនឹងត្រូវដាក់ពង្រាយនៅទីតាំងសំខាន់ៗ ដើម្បីធានាសន្តិសុខ សុវត្ថិភាព និងសណ្តាប់ធ្នាប់សាធារណៈសម្រាប់ប្រមុខរដ្ឋ ប្រមុខរដ្ឋាភិបាល និងមេដឹកនាំបរទេសដែលចូលរួមកិច្ចប្រជុំ។
ក្នុងពេលនោះ រដ្ឋមន្ត្រីក្រសួងព័ត៌មានកម្ពុជា លោក នេត្រ ភក្ត្រា ប្រធានអនុគណៈកម្មការប្រព័ន្ធផ្សព្វផ្សាយ បានឱ្យដឹងថា ប្រទេសនេះបានត្រៀមលក្ខណៈយ៉ាងទូលំទូលាយ ដើម្បីជួយសម្រួលដល់ភ្នាក់ងារព័ត៌មានក្នុងស្រុក និងអន្តរជាតិ ផ្សាយព័ត៌មានអំពីកិច្ចប្រជុំកំពូលនេះ៕
