ក្រុមប្រឹក្សារសន្និសុខ អ.ស.ប. នឹងធ្វើអន្តរាគមន៍ក្នុងករណីចាំបាច់ចំពោះ បញ្ហានៅស៊ូដង់ (Image: VNA) (VOVworld) – នាថ្ងៃទី ២៥ សីហា ក្រុមប្រឹក្សារសន្តិសុខ អ.ស.ប. បានព្រមាន ថា៖ ស្ថាប័ននេះត្រៀ​មខ្លួនជាស្រេចធ្វើអន្តរាគមន៍ភ្លាមមួយរំពេចក្នុងករណី ប្រធានាធិបតីស៊ូដង់ខាងត្បូង លោក Salva Kiir មិនចុះហត្ថលេខាលើកិច្ចព្រម  ព្រៀងសន្តិភាពជាមួយភាគីប្រឆាំងសំដៅបញ្ចប់ជំលោះដែលអូសបន្លាយក្នុង រយៈ ពេល ២០ ខែ កន្លងទៅនៅប្រទេសអាហ្វ្រិកនេះ។ នាថ្ងៃដដែល បេសកជន ពិសេសរបស់ អ.ស.ប. នៅស៊ូដង់ខាងត្បូងបានវាយតំលៃថា៖ កិច្ចព្រមព្រៀង  សន្តិភាពរវាងរដ្ឋាភិបាលស៊ូដង់ខាងត្បូងជាមួយភាគីប្រឆាំងគ្រាន់តែជាជំហាន  ដំបូងដើម្បីឆ្ពោះទៅរកការបញ្ចប់សង្គ្រាមស៊ីវិលនៅប្រទេសនេះតែប៉ុណ្ណោះ៕​