(VOV)_​ ប្រជាជនអាមេរិកភាគច្រើនមិនជឿពាក្យសំដីមូលបង្កាច់អំពី​វៀតណាម។ នេះគឺជាការអះអាងរបស់អតីតទាហានអាមេរិក លោក Andre Sauvageot ជាមួយអ្នក យក ព័ត៍មានកាសែតកងទ័ពប្រជាជនវៀតណាមពេ​លដែលបានដឹងព័ត៍មានថា៖មាន ក្រុម​មនុស្សមួយបានប្រមូលផ្តុំនៅទីក្រុង​Geneva ដើម្បីប្រឆាំងវៀតណាមអធិប្បាយ​របាយការណ៍ពិនិត្យទូទៅ​ជាប្រចាំអំពីសភាពការណ៍សិទ្ធិមនុស្ស។ តាមអតីតទាហានរូប នេះថា៖ ដោយបទពិសោធន៍៥០ឆ្នាំជាប់ពាក់ព័ន្ធនឹងវៀតណាម លោកអាចអះអាងថា៖  រាល់ការខំប្រឹងប្រែងរបស់បក្សកុម្មុយនីស្តវៀតណាម ដើម្បីកែលំអរបញ្ហាសិទ្ធិមនុស្ស ក៏ ដូចជាបញ្ហាផ្សេងៗទៀត គឺគួរអោយកត់សរសើរ ដែលក្នុងនោះមានគោលនយោបាយ លើកស្ទួយជីវភាពរស់នៅ ចំណូលរបស់ប្រជាជន ពិសេសគឺតំបន់ជនជាតិភាគតិច។ ពិសេសវៀតណាមបានធ្វើល្អ ការពង្រីកសិទ្ធិធ្វើជាម្ចាស់របស់ប្រជាជន សេរីភាពខាង ជំនឿសាសនា…។ល។ លោក Andre Sauvageot(TTXVN)           ប៉ុន្តែតាមលោក Andre Sauvageot ថា៖ដូចជាប្រទេសផ្សេងៗ  វៀតណាមក៏ត្រូវ ការធានាអំពីសន្តិសុខ និងស្ថិរភាពនយោបាយ។ដូច្នេះ វៀតណាមធានារាល់សិទ្ធិសេរី ភាពរបស់ ប្រជាជនតាមក្របខ័ណ្ឌច្បាប់គឺគ្មានអ្វីចំឡែកទេ។           ​លោក Andre Sauvageot បានអោយដឹងថា៖​ ប្រទេសទាំងពីរ វៀតណាមនិងអា មេរិក  ត្រូវខំប្រឹងប្រែងជាច្រើនទៀតដើម្បីកែលំអរស្ថានភាពសិទ្ធិមនុស្សរបស់ ប្រទេសខ្លួន និងជៀសវាងការធ្វើអន្តរាគមន៍ចូលក្នុងកិច្ចការផ្ទៃក្នុងរបស់គ្នាដែរ៕