អគ្គលេខាធិការអង្គការសហប្រជាជាតិបានអំពាវនាវស៊ីរីអនុវត្តផែនការសន្តិភាព។ VOV-អគ្គលេខាធិការអង្គការសហប្រជាជាតិ Ban ki Moon នាថ្ងៃទី២៨មិនា បាន​អំពាវនាវ​ប្រធានាធិបតីស៊ីរី Bashar Al-Assad អនុវត្តផែនការសន្តិភាព៦ខ ដោយបេសកជន​ពិសេសរបស់អង្គការសហប្រជាជាតិនិងសម្ព័ន្ធអារ៉ាប់ Kofi Annan លើកឡើង។ ក្នុង​ពេលនោះវ៉ាស៊ីងតោនបានបន្តបង្កកំលាំងគាបសង្កត់ ទៅលើដាម៉ាស់។ ក្រសួង​ការបរទេសអាមេរិកបានចោទប្រកាន់ប្រធានាធិបតី Assad មិនសំរេចកិច្ច​សន្យា​គោរពផែនការសន្តិភាពរបស់អង្គការសហប្រជាជាតិ និងសម្ព័ន្ធអារ៉ាប់ដោយសារ​គ្មាន​ការបោះជំហានចាំបាច់ដើម្បីអនុវត្តផែនការ សន្តិភាព។ ការពិនិត្យនេះ​ត្រូវ​បានលើកឡើងក្នុងកាលៈទេសៈរដ្ឋមន្ត្រីការបរទេស អាមេរិក HillaryClinton ត្រៀម​ទៅចូលរួមសន្និសិទ “បណ្ដាមិត្តរបស់ ស៊ីរី” ដែលនឹង បានរៀបចំនៅអ៊ីស្តាប៊ុល​-ទួរគី​នាថ្ងៃទី១មេសាខាងមុខ៕