កម្លាំងប៉ូលីសត្រូវបានដាក់ពង្រាយនៅរដ្ឋធានី Yangon សំដៅរាំងស្កាត់បាតុកម្មប្រឆាំងជំទាស់នឹងស្ថានភាពជាប់គាំងនយោបាយនៅមីយ៉ាន់ម៉ា។ (រូបថត៖ AFP/TTXVN)

នាថ្ងៃទី២៧ ខែមេសា អ្នករាយការណ៍ពិសេសអំពីសិទ្ធិមនុស្សរបស់អង្គការសហ ប្រជាជាតិ (អ.ស.ប) ប្រចាំមីយ៉ាន់ម៉ា លោក Thomas Andrews បានអំពាវនាវឲ្យថ្នាក់ ដឹកនាំអាជ្ញាធរមីយ៉ាន់ម៉ា លោកឧត្តមសេនីយ៍ Min Aung Hlaing នាំស្ថានភាពក្នុង ប្រទេសឲ្យវិលត្រឡប់ទៅរកស្ថិរភាពឡើងវិញឲ្យបានឆាប់ៗ។ ក្នុងសារលិខិតដែល បានផ្ញើរជូនលោកឧត្តមសេនីយ៍ Min Aung Hlaing លោក Andrews បានក្រើនរំលឹក ឡើងវិញថា នៅកិច្ចប្រជុំមេដឹកនាំអាស៊ាននៅទីក្រុងហ្សាកាតានាពេលថ្មីៗនេះ លោក ឧត្តមសេនីយ៍ Hlaing បានឯកភាពលើការបញ្ឈប់អំពើហឹង្សានៅមីយ៉ាន់ម៉ាភ្លាមមួយ រំពិច។ លោកបានបញ្ជាក់ថា នេះជាការបោះជំហានជាបន្ទាន់ដំបូងបង្អស់ ឆ្ពោះទៅរក បញ្ចប់វិបត្តិដែលបានឆក់យកអាយុជីវិតរបស់ប្រជាជនមីយ៉ាន់ម៉ាយ៉ាងច្រើន៕